Агляд-конкурс мастацкай самадзейнасці сярод рэспубліканскіх архіўных устаноў

20 верасня 2023 г. у актавай зале сярэдняй школы № 27 г. Мінска адбыўся першы этап агляду-конкурсу мастацкай самадзейнасці сярод рэспубліканскіх архіўных устаноў. Правядзенне агляду-конкурсу было запланавана Міністэрствам юстыцыі Рэспублікі Беларусь у рамках мерапрыемстваў, прысвечаных Году міру і стварэння.

Агляд-конкурс праводзіўся ўпершыню сярод рэспубліканскіх архіўных устаноў Беларусі. У задачы мерапрыемства ўваходзілі павышэнне службовай і асабістай культуры работнікаў, пошук талентаў, раскрыццё творчага патэнцыялу сярод работнікаў.

Ганаровым госцем мерапрыемства быў старшыня упраўлення кадравай палітыкі і ідэалагічнага забеспячэння Міністэрства юстыцыі Рэспублікі Беларусь Дзмітрый Дрозд.

Канкурсанты прадстаўлялі Нацыянальны архіў Рэспублікі Беларусь, Нацыянальны гістарычны архіў Беларусі, Нацыянальны гістарычны архіў у г. Гродна, Беларускі дзяржаўны архіў кінафотанадакументаў, Беларускі дзяржаўны архіў-музей літаратуры і мастацтва, Беларускі дзяржаўны архіў навукова-тэхнічнай дакументацыі, Беларускі навукова-даследчы інстытут дакументазнаўства і архіўнай справы, Беларускі навукова-даследчы цэнтр электроннай дакументацыі, Цэнтральную лабараторыю забеспячэння захаванасці дакументаў Нацыянальнага архіўнага фонду Рэспублікі Беларусь. Да ўдзелу дапускаліся як супрацоўнікі, так і члены іх сямей.

Па выніках першага этапа конкурсу старшыня журы, намеснік дырэктара Дэпартамента па архівах і справаводству Аляксей Цвяткоў уручыў дыпломы пераможцам.

Прызавыя месцы размеркаваліся наступным чынам:

У намінацыі «Харэаграфічнае мастацтва»:

Дыплом І ступені – Ксенія Цынкевіч, архівіст Беларускага дзяржаўнага архіва-музея літаратуры і мастацтва;

Дыплом ІІ ступені – Алена Кулінок, работнік Беларускага дзяржаўнага архіва навукова-тэхнічнай дакументацыі;

Дыплом ІІІ ступені – Марыя і Лізавета Прынько, дзеці работніка Беларускага дзяржаўнага архіва-музея літаратуры і мастацтва.

У намінацыі «Вакальнае мастацтва»:

Дыплом І ступені – Марына Сіверцава, вядучы архівіст Нацыянальнага гістарычнага архіва Беларусі ў г. Гродна;

Дыплом ІІ ступені – Вячаслаў Ходзін, унук Людмілы Ходзінай, работніка Беларускага навукова-даследчага цэнтра электроннай дакументацыі;

Дыплом III ступені – Юрый Пятліцкі, сын работніка Беларускага дзяржаўнага архіва кінафотафонадакументаў.

У намінацыі «Арыгінальны жанр»:

Дыплом І ступені – Сяргей Мязга, намеснік дырэктара Цэнтральнай лабараторыі забеспячэння захаванасці дакументаў Нацыянальнага архіўнага фонду Рэспублікі Беларусь;

Дыплом ІІ ступені – Кацярына Лукіна, архівіст Нацыянальнага архіва Рэспублікі Беларусь;

Дыплом ІІІ ступені – Ерафей Маракоў, Данііл Рубісаў, Павел Артамонаў, вядучыя архівісты Нацыянальнага гістарычнага архіва Беларусі.

Журы асабліва адзначыла выступленне Марыі Сарган, дачкі галоўнага бухгалтара Беларускага дзяржаўнага архіва кінафотафонадакументаў І. Ю. Сарган. Дзяўчынка прачытала верш Ніны Галіноўскай «Мае казкі». Нумар будзе прадстаўлены на другім этапе агляду-конкурсу.

Пераможцы прымуць удзел у канцэртнай праграме ў рамках другога этапа конкурсу, які будзе праводзіцца ў г. Мінску на базе Міністэрства юстыцыі.

01. Журы агляду-конкурсу мастацкай самадзейнасці

02. Вядучыя мерапрыемства Данііл Рубісаў і Марыя Маціеўская

03. Харэаграфічны нумар Ксеніі Цынкевіч. Дыплом I ступені ў намінацыі «Харэаграфічнае мастацтва»

04. Харэаграфічны нумар Алены Кулінок. Дыплом II ступені ў намінацыі «Харэаграфічнае мастацтва»

05. Харэаграфічны нумар Марыі і Лізаветы Прынько. Дыплом III ступені ў намінацыі «Харэаграфічнае мастацтва»

06. Вакальны нумар Марыны Сіверцавай. Дыплом I ступені ў намінацыі «Вакальнае мастацтва»

07. Вакальны нумар Вячаслава Ходзіна. Дыплом II ступені ў намінацыі «Вакальнае мастацтва»

08. Вакальны нумар Юрыя Пятліцкага. Дыплом III ступені ў намінацыі «Вакальнае мастацтва»

09. Сяргей Мязга чытае вершы. Дыплом I ступені ў намінацыі «Арыгінальны жанр»

10. Кацярына Лукіна чытае вершы. Дыплом II ступені ў намінацыі «Арыгінальны жанр»

11. Выступ Ерафея Маракова, Данііла Рубісава, Паўла Артамонава. Дыплом III ступені ў намінацыі «Арыгінальны жанр»

12. Марыя Сарган чытае верш «Мае казкі»

13. Гледачы агляду-конкурсу

14. Журы і ўдзельнікі агляду-конкурсу