Установа «Занальны дзяржаўны архіў у г.Маладзечне» прыняла ўдзел у мерапрыемствах, прымеркаваных да Дня Незалежнасці Рэспублікі Беларусь

Установа «Занальны дзяржаўны архіў у г.Маладзечне» прыняла ўдзел у мерапрыемствах, прымеркаваных да Дня Незалежнасці Рэспублікі Беларусь.

Супрацоўнікі архіва ўсклалі кветкі да «Братэрскай магілы савецкіх воінаў, партызан, партыйных і савецкіх работнікаў, якія загінулі ў гады Вялікай Айчыннай вайны», а таксама вызвалялі г.Маладзечна і ўшанавалі іх памяць хвілінай маўчання. Брацкая магіла і чатырохгранны манумент, увянчаны пяціканцовай зоркай, знаходзяцца ў скверы па вул. Я.Драздовіча.

На мармуровых плітах брацкай магілы навечна выбіты імёны герояў, якія загінулі ў баях за гонар, свабоду і незалежнасць нашай Радзімы.

26 чэрвеня 1964 года сюды былі перапахаваны астанкі воінаў і партызан, якія загінулі ў баях за вызваленне горада, а 5 ліпеня 1975 года ў брацкую магілу былі перапахаваны астанкі савецкіх актывістаў.

У брацкай магіле астанкі Івана Данілавіча Таміліна – першага сакратара Маладзечанскага райкама КПБ, які загінуў у першы ж дзень захопу горада Маладзечна.

У Год Свету і стварэння, а таксама 635-гадовага юбілею г.Маладзечна выказваем словы глыбокай падзякі ўсім тым, хто цаной уласнага жыцця заваяваў нам Перамогу, мірнае неба над галавой.

Адзін са спісаў загінуўшых ля «Братэрскай магілы савецкіх воінаў, партызан, партыйных і савецкіх работнікаў»

Супрацоўнікі архіва ля «Братэрскай магілы савецкіх воінаў, партызан, партыйных і савецкіх работнікаў»

Ускладанне кветак да брацкай магілы