Аб удзеле работніка НАРБ у Міжнароднай канферэнцыі ў Санкт-Пецярбургу

Апублікавана: 29 мая 2023 г.

25—28 мая загадчык аддзела публікацый Нацыянальнага архіва Рэспублікі Беларусь, к.г.н. С.В.Кулінок прыняў удзел у працы Міжнароднай навуковай канферэнцыі «Ад прарыва блакады Ленінграда да Курскай бітвы» (да 80-годдзя карэннага пералому ў Вялікай Айчыннай вайне), якая адбылася ў Санкт-Пецярбургу (Расія).

25 мая прайшоў круглы стол, прысвечаны розным аспектам блакады Горада-Героя Ленінграда. 26 мая адбылося пленарнае пасяджэнне. З прывітальнымі словамі да ўдзельнікаў звярнуўся віцэ-губернатар У.М.Княгінін, дырэктар Дзяржаўнага мемарыяльнага музея абароны і блакады Ленінграда А.В.Лезік.

27 мая загадчык аддзела публікацый, к.г.н. С.В.Кулінок выступіў на секцыйным пасяджэнні з дакладам ««Акцыя 1005»: хаванне нацыстамі слядоў масавага знішчэння насельніцтва Беларусі». Выступленне вызвала цікавасць і абмеркаванне ў удзельнікаў канферэнцыі.

За вялікі асабісты ўклад у арганізацыю і правядзенне Міжнароднай канферэнцыі «Гарады-героі: фронт і тыл у буйнейшых бітвах Вялікай Айчыннай вайны», якая прайшла ў 2022 г. С.В.Кулінку было ўручана Пісьмо з падзякай віцэ-губернатара У.М.Княгініна.

С.В.Кулінок з Пісьмом з падзякай віцэ-губернатара Санкт-Пецярбурга

Пісьмо з падзякай віцэ-губернатара Санкт-Пецярбурга С.В.Кулінку

Выступленне С.В.Кулінка на секцыйным пасяджэнні

Удзельнікі канферэнцыі: д.г.н. С.У.Кулік, к.г.н. А.І.Корсак, д.г.н. Я.Ф.Крынко, д.г.н. А.Я.Краснажонава, к.г.н. С.В.Кулінок

Норма хлеба ў Блакадным Ленінградзе

Экспазіцыя музея блакады Ленінграда