7 красавіка 2023 г. адбылося пасяджэнне калегіі Дэпартамента па архівах і справаводстве Міністэрства юстыцыі Рэспублікі Беларусь

7 красавіка 2023 г. адбылося пасяджэнне калегіі Дэпартамента па архівах і справаводстве Міністэрства юстыцыі Рэспублікі Беларусь (далей – Дэпартамент), на якім былі разгледжаны наступныя пытанні:

1. Аб выкананні пратакола даручэнняў Прэм’ер-міністра Рэспублікі Беларусь, даных па выніках наведвання 5 жніўня 2022 г. установы «Беларускі дзяржаўны архіў кінафотафонадакументаў».
2. Аб выкарыстанні бюджэтных сродкаў архіўнымі ўстановамі ў першым квартале 2023 г.
3. Аб стане працы па арганізацыі архіўнага захоўвання электронных дакументаў у дзяржаўных архівах.
4. Аб рабоце дзяржаўных архіўных устаноў па інфармацыйным забеспячэнні карыстальнікаў.

У працы калегіі прынялі ўдзел:

Намеснік Міністра юстыцыі Рэспублікі Беларусь А.М.Кот;

галоўны саветнік упраўлення адукацыі і сацыяльна-культурнай сферы Апарата Савета Міністраў Рэспублікі Беларусь М.В.Ляшкевіч;
начальнік Цэнтральнага архіва Міністэрства абароны Рэспублікі Беларусь Б.Н.Гаркавы.

Па першым пытанні было адзначана, што ў першым квартале 2023 года прадоўжылася работа па выкананню пратакола даручэнняў Прэм’ер-міністра Рэспублікі Беларусь ад 5 жніўня 2022 г. № 05/28пр, а таксама даручэнняў Савета Міністраў Рэспублікі Беларусь ад 1 лютага 2023 г. № 05-226-34/1408пр, даных па выніках справаздачы аб рабоце за 2023 год.

Праца ажыццяўлялася па наступных напрамках:

1. Рэалізацыя першачарговых мер па ўмацаванні матэрыяльна-тэхнічнай базы дзяржаўных архіўных устаноў;

2. Аблічбоўванне дакументаў дзяржаўнымі архіўнымі ўстановамі з улікам значнасці такіх дакументаў для гісторыі развіцця беларускай дзяржавы і грамадства;

3. Забеспячэнне адкрытага доступу да аблічбаваных дакументаў Нацыянальнага архіўнага фонду Рэспублікі Беларусь;

4. Узмацненне інфармацыйна-асветніцкай дзейнасці дзяржаўных архіўных устаноў;

5. Рэалізацыя праекта па стварэнні летапісу сучаснай беларускай дзяржавы з выкарыстаннем кіна-, фота- і аўдыёматэрыялаў, якія адлюстроўваюць кожны год яго гісторыі, пачынаючы са стварэння БССР.

6. Прадстаўленне ў сетцы Інтэрнэт інфармацыі аб баявых дзеяннях на тэрыторыі Рэспублікі Беларусь у гады Вялікай Айчыннай вайны, звестак аб гераічным супраціўленні беларускага народа нямецка-фашысцкім захопнікам.

Па другім пытанні было адзначана, што асваенне бюджэтных сродкаў рэспубліканскімі архіўнымі ўстановамі ў першым квартале 2023 г. ажыццяўлялася па такіх стратэгічных прыярытэтах як капітальны рамонт, наяўны рамонт, набыццё абсталявання і іншых асноўных сродкаў.

Удакладненыя планы першага квартала 2023 г. на разгляданыя стратэгічныя прыярытэты рэспубліканскіх архіўных устаноў паказваюць, што пацверджаныя аб’ёмы асігнаванняў у 6,7 раза перавышаюць аналагічны перыяд 2022 года.

Па трэцім пытанні было адзначана, што:

у большасці дзяржаўных архіваў устаноўлены сістэмы міжведамаснага электроннага дакументаабароту (далей – СЭД), якія падключаны да сістэмы электроннага дакументаабароту дзяржаўных органаў Рэспублікі Беларусь (далей – СМДА);

Нацыянальным архівам Рэспублікі Беларусь сумесна з Беларускім навукова-даследчым цэнтрам электроннай дакументацыі ажыццяўляецца работа з арганізацыямі-крыніцамі камплектавання па пытаннях арганізацыі архіўнага захоўвання электронных дакументаў;

у Дэпартаменце па архівах і справаводстве ў 2022 годзе арганізавана работа па перадачы электронных дакументаў з СЭД «SMBusiness» у АІС «Ведамасны архіў» за 2021 год.

Па чацвёртым пытанні адзначана, што ў 2018 – 2022 гг. дзяржаўнымі архівамі было выканана 14463 тэматычных, 47593 біяграфічных, 1532 генеалагічных запыту і 110372 запыту сацыяльна-прававога характару. Аб’ём пазабюджэтных паступленняў за выкананне запытаў склаў 2.001.052,11 рублёў, што перавысіла паказчыкі папярэдняга перыяду на 52,8%.

У ходзе работы калегіі былі разгледжаны кадравыя пытанні.