Аб прафсаюзным прыёме грамадзян ва ўстанове «Беларускі дзяржаўны архіў кінафотафонадакументаў»

30 сакавіка 2023 года з 13.00 да 15.00 на базе ўстановы «Беларускі дзяржаўны архіў кінафотафонадакументаў» (далей – БДАКФФД) адбыўся прафсаюзны прыём грамадзян.

Гэтае мерапрыемства закранула пытанні, якія датычацца тлумачэнняў норм заканадаўства, якія рэгулююць сферу працоўных і звязаных з імі праваадносін. Прафсаюзны прыём правялі Валерый Іванавіч Матохін, галоўны прававы інспектар працы Мінскай абласной арганізацыі Беларускага прафсаюза работнікаў энергетыкі, газавай і паліўнай прамысловасці, пракурор Дзяржынскага раёна Уладзімір Пятровіч Непакупны, старшыня Дзяржынскага раённага аб’яднання арганізацый прафсаюзаў Анжаліка Алегаўна Прахарэвіч.

Ва ўступным слове У.І.Матохін адмысловую ўвагу надаў працы жанчын. Дакладчык растлумачыў аб нормах і абмежаваннях, якія прысутнічаюць у заканадаўстве, у дачыненні да жаночай працы. Таксама было падрабязна расказана аб нюансах прадастаўлення водпускаў і выхадных дзён для маці з 2 і больш непаўналетнімі дзецьмі.

У.П.Непакупны адзначыў высокую ролю калектыву БДАКФФД у садзейнічанні расследаванню крымінальнай справы аб генацыдзе беларускага народа падчас Вялікай Айчыннай вайны. Таксама пракурор Дзяржынскага раёна нагадаў аб праве кожнага грамадзяніна звярнуцца па кансультацыю ў органы пракуратуры.

А.І.Пархарэвіч агучыла магчымасць атрымання кансультацый па самых розных пытаннях, якія тычацца працоўных узаемаадносін. Асобна старшыня Дзяржынскага раённага аб’яднання арганізацый прафсаюзаў падкрэсліла, што часта такія пытанні неабходна задаваць з мэтай недапушчэння памылак самога работніка ў тонкасцях нарматыўна-прававых актаў.
Таксама работнікам БДАКФФД была дадзена магчымасць асабіста ўдакладніць усе пытанні, што іх цікавяць у сферы працоўнага заканадаўства, атрымаць прававыя кансультацыі.

Здымачная група УП «Выдавецкі Дом «Праф-Прэс» правяла здымкі на тэрыторыі БДАКФФД. Сюжэт будзе прысвечаны архіву, ягонаму калектыву, а таксама прававым прыёмам працы прафсаюзнага камітэта.

Аб тым, як праходзілі прававыя прыёмы грамадзян з удзелам работнікаў пракуратуры, можна ўбачыць, перайшоўшы па спасылцы.

1. У час выступлення В.І.Матохіна, галоўнага прававога інспектара працы Мінскай абласной арганізацыі Беларускага прафсаюза работнікаў энергетыкі, газавай і паліўнай прамысловасці (30 сакавіка 2023 г., г.Дзяржынск, БДАКФФД)

2. У час выступлення пракурора Дзяржынскага раёна В.П. Непакупнога (30 сакавіка 2023 г., г.Дзяржынск, БДАКФФД)

3. У час выступлення старшыні Дзяржынскага раённага аб’яднання арганізацый прафсаюзаў А.А. Прахарэвіч (30 сакавіка 2023 г., г.Дзяржынск, БДАКФФД)

4. Падчас асабістай кансультацыі работнікаў архіва па пытаннях працоўнага заканадаўства (на пярэднім плане галоўны захавальнік фондаў, старшыня прафкама БДАКФФД А.К.Кот) (30 сакавіка 2023 г., г.Дзяржынск, БДАКФФД)

5. Падчас асабістай кансультацыі работнікаў архіва па пытаннях працоўнага заканадаўства (30 сакавіка 2023 г., г.Дзяржынск, БДАКФФД)