У Віцебскай вобласці адзначылі 100-годдзе архіўнай службы Беларусі

Апублікавана: 19 кастрычніка 2022 г.

14 кастрычніка 2022 года ў Віцебскай абласной філармоніі адбылося ўрачыстае мерапрыемства, прысвечанае 100-годдзю архіўнай службы Беларусі.

У мерапрыемстве прынялі ўдзел 360 чалавек.

Прысутнічалі намеснік старшыні Віцебскага аблвыканкама Вячаслаў Дурноў, начальнік аддзела Дэпартамента па архівах і справаводству Міністэрства юстыцыі Рэспублікі Беларусь Рыгор Жалнеркевіч, начальнік галоўнага ўпраўлення юстыцыі Віцебскага аблвыканкама Сяргей Канапелька, начальнік упраўлення культуры Віцебскага аблвыканкама Пётр Падгурскі, намеснік начальніка галоўнага ўпраўлення – начальнік аддзела па сувязях з грамадскасцю і ўзаемадзеянню са СМІ галоўнага ўпраўлення ідэалагічнай работы і па справах моладзі Анатоль Гуцуляк, першы сакратар Віцебскага абласнога камітэта Грамадскага аб’яднання «Беларускі рэспубліканскі саюз моладзі» Уладзімір Бабічаў, старшыня Віцебскай абласной арганізацыі Беларускага прафсаюза работнікаў дзяржаўных і іншых устаноў Алена Няфёдава і інш.

На мерапрыемства былі запрошаны ветэраны архіўнай службы і галоўнага ўпраўлення юстыцыі Віцебскага аблвыканкама, трымальнікі фондаў асабістага паходжання, чые дакументы перададзены на пастаяннае захоўванне ў дзяржархівы вобласці.

Мерапрыемства асвятлялі прадстаўнікі СМІ, якія маюць у вобласці самую масавую аўдыторыю: абласной газеты «Віцебскія весці», газеты «Віцьбічы», тэлерадыёкампаніі «Віцебск».

Перад пачаткам урачыстага мерапрыемства дзейнічала выставачная зона, у рамкай якой былі прадстаўлены 6 выстав, з іх 2 віртуальныя і 4 традыцыйныя.

Віртуальныя выставы былі прысвечаны Ганаровым архівістам Віцебскай вобласці і гісторыі Дзяржархіва Віцебскай вобласці. Традыцыйныя выстаўкі (выданняў дзяржаўных архіваў Віцебскай вобласці; агульная выстаўка дакументаў з фондаў асабістага паходжання і асобная выстаўка, прысвечаная віцебскаму паэту, актыўнаму грамадскаму дзеячу Давіду Сімановічу; матэрыялаў аб правядзенні ў 1992 годзе Першага фестывалю «Славянскі базар» у г.Віцебску) размясціліся ў асобнай зале.

У гэтай жа зале ў рамках Года гістарычнай памяці была прадстаўлена выстава «Традыцыйны касцюм – гонар нацыі». Выстаўка з’яўлялася падарункам архівам да юбілею ад крыніцы камплектавання – ДУ «Віцебскі абласны метадычны цэнтр народнай творчасці». Куратар выставы – Ніна Бабровіч. У рамках мерапрыемства была арганізавана сустрэча з аўтарамі выдання «Традыцыйнае адзенне Віцебшчыны», якое легла ў аснову калекцыі касцюмаў і таксама было прадстаўлена на выстаўцы: дацэнтам кафедры дэкаратыўна-прыкладнога мастацтва і тэхнічнай графікі Галінай Бабровіч, дацэнтам кафедры выяўленчага мастацтва, кандыдатам мастацтвазнаўства Людмілай Вакар, супрацоўнікам Віцебскага абласнога краязнаўчага музея Святланай Салаўёвай.

1. Праграма мерапрыемства

2. У фае філармоніі. Стаяць злева на права дырэктар Дзяржархіва Віцебскай вобласці Свістунова Т.М., намеснік начальніка аддзела дзяржаўнай рэгістрацыі камерцыйных (некамерцыйных) арганізацый, юрыдычнай экспертызы і арганізацыі работы архіўных устаноў галоўнага ўпраўлення юстыцыі Віцебскага аблвыканкама Пашкевіч А.У., дырэктары ЗГА ў г.Орша, Полацку Бергавіна А.М., Лазаронак Л.В., дырэктар Віцебскага гарадскога архіва Шарэнда В.В., дырэктар ЗГА ў г.Глыбокае Баравік Н.А.

3. Пачатак урачыстага мерапрыемства

4. Гучыць гімн

5. У зале філармоніі перад пачаткам мерапрыемства

6. Выступае начальнік галоўнага ўпраўлення юстыцыі Віцебскага аблвыканкама С.П.Канапелька

7. Граматы архівістам уручае намеснік старшыні Віцебскага аблвыканкама Вячаслаў Дурноў

8. Архівістаў узнагароджвае начальнік аддзела Дэпартамента па архівах і справаводству Міністэрства юстыцыі Рэспублікі Беларусь Рыгор Жалнеркевіч

9. Аб’ява аб выставах у фае філармоніі, падрыхтаваных да мерапрыемства

10. Намеснік старшыні Віцебскага аблвыканкама Вячаслаў Дурноў, начальнік галоўнага ўпраўлення юстыцыі Віцебскага аблвыканкама Сяргей Канапелька, начальнік упраўлення культуры Віцебскага аблвыканкама Пётр Падгурскі і дырэктар Дзяржархіва Віцебскай вобласці Таццяна Свістунова у выставачнай зале

11. Фота выстаўкі пра Давіда Сіманавіча

12. Фота выстаўкі выданняў дзяржархіваў Віцебскай вобласці

13. Аўтары выдання “Традыцыйнае адзенне Віцебшчыны” гутараць з наведвальнікамі