30 чэрвеня 2022 года ўстанова “Беларускі дзяржаўны архіў кінафотафонадакументаў” сумесна з Нацыянальнай бібліятэкай Беларусі выступіла арганізатарам фотавыставы “2022 Год гістарычнай памяці”, прымеркаванай да святкавання Дня Незалежнасці Рэспублікі Беларусь і ў рамках Года гістарычнай памяці

Прадстаўленыя архіўныя матэрыялы раскрываюць гістарычную праўду пра Вялікую Айчынную вайну і палітыку генацыду на тэрыторыі Беларусі. Выставачную экспазіцыю аб’ядноўваюць шэсць тэм: “Краіна ў агні”, “Акупаванае дзяцінства”, “Храмы пад варожым прыцэлам”, “Рэспубліка-партызанка”, “Цяжкі шлях да перамогі”, “Подзвіг несмяротны!”. Кожны стэнд змяшчае дакументальныя і архіўныя фота герояў-абаронцаў і вызваліцеляў Радзімы, мемарыяльных комплексаў нашай краіны, выявы медалёў, савецкія плакаты, партызанскую творчасць. Выстава працуе да 30 ліпеня 2022 года ўключна (дата можа быць зменена).

Гэтая фотавыстава даступная і ў ан-лайн. Пры ўдзеле супрацоўнікаў “Беларуская сельскагаспадарчая бібліятэка ім. І.С.Лупіновіча» Нацыянальнай акадэміі навук Беларусі архіўныя матэрыялы БДАКФФД былі прадстаўлены ў фармаце 3D-прэзентацыі, дзякуючы чаму з выставай можа азнаёміцца любы ахвочы.