Для навучэнцаў Віцебскага філіяла ўстановы адукацыі «Беларуская дзяржаўная акадэмія сувязі» адбылася лекцыя «Генацыд беларускага народа ў гады Вялікай Айчыннай вайны (1941 – 1945 гг.)»
Супрацоўнікамі ўстановы «Дзяржаўны архіў Віцебскай вобласці» для навучэнцаў Віцебскага філіяла ўстановы адукацыі «Беларуская дзяржаўная акадэмія сувязі» была прачытана лекцыя «Генацыд беларускага народа ў гады Вялікай Айчыннай вайны (1941 – 1945 гг.)».
Навучэнцам распавялі, што гэта быў загадзя распрацаваны план генацыду пад назвай «Ост». Асновай яго з’яўляліся чалавеканенавісніцкія тэорыі аб «расавай перавазе» нямецкай нацыі. Для рэалізацыі гэтага плана выкарыстоўвалася цэлая сістэма мер: карныя аперацыі, канцэнтрацыйныя лагеры, лагеры смерці і інш.
Падрабязна было расказана пра лагеры Азарычы і Крынкі, вязні якіх выкарыстоўваліся ў якасці «жывой» хімічнай зброі. Паказаны фільм «Азарычы. Без тэрміна даўніны».
Была акцэнтавана ўвага на тое, што аснову разумення генацыду беларускага народа ў гады нацысцкай акупацыі даюць дакументы Надзвычайнай дзяржаўнай камісіі па ўстанаўленні і расследаванні злачынстваў нямецка-фашысцкіх захопнікаў і іх саўдзельнікаў і прычыненага імі ўрону грамадзянам, калгасам, грамадскім арганізацыям, дзяржаўным прадпрыемствам.
Навучэнцаў пазнаёмілі з Законам Рэспублікі Беларусь «Аб генацыдзе беларускага народа», падпісаным Прэзідэнтам Рэспублікі Беларусь 5 студзеня 2022 года.
