5 мая 2022 года прайшоў заключны этап конкурсу «Юны архівіст», праведзены ўстановай «Дзяржаўны архіў Гомельскай вобласці», а таксама ДУА «Гомельскі абласны цэнтр турызму і краязнаўства дзяцей і моладзі» на базе ўстановы «Гомельскі абласны музей ваеннай славы»

Апублікавана: 6 мая 2022 г.

5 мая 2022 года на базе ўстановы «Гомельскі абласны музей ваеннай славы» прайшоў заключны этап конкурсу «Юны архівіст».

Адкрыў мерапрыемства дырэктар установы «Дзяржаўны архіў Гомельскай вобласці» Сушчэвіч А.М. У сваёй уступнай прамове дырэктар адзначыў, што з прадстаўленых 84 даследчых работ па гістарычнай тэматыцы, падрыхтаваных з выкарыстаннем архіўных і гістарычных дакументаў, навукова-даследчай літаратуры, для заключнага этапа былі адабраны ў некалькі этапаў 15 найлепшых работ школьнікаў 8-11 класаў па тэме «Мае землякі – героі Вялікай Айчыннай вайны».

Таксама Андрэй Мікалаевіч пажадаў удзельнікам конкурсу не спыняцца на дасягнутым і пакараць новыя вяршыні ў творчасці! Асаблівую падзяку дырэктар архіва і запрошаныя госці выказалі педагогам, за іх цярпенне, чуласць, адказнасць і карпатлівую працу.

Конкурс накіраваны на вывучэнне і дакументаванне гістарычных падзей, якія адбываліся на тэрыторыі Гомельскай вобласці, грамадзянскае і патрыятычнае выхаванне моладзі на аснове вывучэння гістарычнай спадчыны сваёй Радзімы, на прапаганду і папулярызацыю архіўнай дзейнасці, а таксама выяўленне і падтрымку таленавітых і мэтанакіраваных навучэнцаў.

У рамках мерапрыемства школьнікі прадставілі свае працы сябрам камісіі. Конкурснае журы, у асобе начальніка аддзела па каардынацыі прававой, кантрольнай і архіўнай работы галоўнага ўпраўлення юстыцыі Гомельскага аблвыканкама – Н.В.Сакалова, дырэктар установы «Дзяржаўны архіў грамадскіх аб’яднанняў Гомельскай вобласці» Н.Ю.Абрамава, дырэктар дзяржаўнай установы адукацыі «Гомельскі абласны цэнтр турызму і экалогіі дзяцей і моладзі» – А.Л.Марозаў, старшыня Гомельскай абласной арганізацыі рэспубліканскага грамадскага аб’яднання «Белая Русь» – Г.А.Цярэшчанка, намеснік дырэктара па вучэбна-выхаваўчай рабоце дзяржаўнай установы адукацыі «Гомельскі абласны цэнтр турызму і экалогіі дзяцей і моладзі» – А.В.Пісарэнка, намеснік дырэктара па навуковай рабоце ўстановы «Гомельскі абласны музей ваеннай славы» – К.С.Мішчанка, падвяло вынікі і вызначыла пераможцаў, якія былі ўзнагароджаны дыпломамі і каштоўнымі прызамі.

Пераможцамі абласнога конкурсу «Юны архівіст», якія занялі ганаровае першае месца, сталі адразу некалькі ўдзельнікаў:

ДУА «Сярэдняя школа №12 г. Жлобіна» Асташоў Дзмітрый і Жытко Ціхан, з працай «Хросны шлях».
ДУА «Малааўцюкоўская сярэдняя школа» Калінкавіцкага раёна Бажко Данііл, з працай «Залатая Зорка за Пінск. Маскаленка Якаў Рамановіч».
ДУА «Суткаўскі дзіцячы сад – сярэдняя школа» Лоеўскага раёна Веліканаў Максім, з працай «Грыгорый Іванавіч Сінякоў – камандзір Лоеўскага партызанскага атрада «За Радзіму».
ДУА «Сярэдняя школа №2 г. Нароўлі імя І.М.Шаўрэя» Шэйнюк Мікіта, з працай «За радком франтавога ліста».
ДУА «Сярэдняя школа №27 г. Гомеля» Рапнін Ягор, з працай «Вывучэнне паслужнога спісу і баявога шляху гамяльчаніна Г.А.Буланцава, сяржанта 158-га стралковага палка 51-ай дывізіі 6-ай арміі, у перыяд з 1942 г. па 1943 г.».

Другое месца раздзялілі паміж сабой 10 удзельнікаў.

Пасля ўзнагароджання ўдзельнікаў, кожны з прысутных гасцей сказаў словы на дарогу дзецям, пажадаў удачы і пазітыўнага настрою. Для канкурсантаў у завяршэнні мерапрыемства была праведзена экскурсія па музеі.