29 ліпеня 2021 г. адбылося пасяджэнне калегіі Дэпартамента па архівах і справаводстве Міністэрства юстыцыі Рэспублікі Беларусь
29 ліпеня 2021 г. адбылося пасяджэнне калегіі Дэпартамента па архівах і справаводстве Міністэрства юстыцыі Рэспублікі Беларусь (далей – Дэпартамент), на якім былі разгледжаны пытанні аб працы са зваротамі грамадзян і юрыдычных асоб у Дэпартаменце і рэспубліканскіх архіўных установах у першым паўгоддзі 2021 г. i аб праекце Метадычных указанняў па складанні і прадстаўленні планава-справаздачнай дакументацыі дзяржаўных архіўных устаноў Рэспублікі Беларусь (далей – праект Метадычных указанняў).
Па першым пытанні калегіяй адзначана, што ў першым паўгоддзі 2021 г. дзейнасць Дэпартамента і рэспубліканскіх архіўных устаноў была накіравана на своечасовы і якасны разгляд зваротаў грамадзян і юрыдычных асоб.
Калегіяй указана кіраўнікам рэспубліканскіх архіўных устаноў ажыццяўляць персанальны кантроль за выкананнем патрабаванняў заканадаўства Рэспублікі Беларусь па арганізацыі працы са зваротамі грамадзян і юрыдычных асоб; сістэматычна разглядаць стан работы са зваротамі грамадзян і юрыдычных асоб на пасяджэннях калегіі Дэпартамента і дырэкцый архіўных устаноў.
Кіраўнікам рэспубліканскіх архіўных устаноў, якія маюць інтэрнэт-сайты, указана на неабходнасць забеспячэння функцыянаванне інтэрнэт-сайтаў у адпаведнасці з патрабаваннямі пастановы Савета Міністраў Рэспублікі Беларусь ад 29 красавіка 2010 г. № 645 «Аб некаторых пытаннях інтэрнэт-сайтаў дзяржаўных органаў і арганізацый і прызнанні страціўшым сілу пастановы Савета Міністраў Рэспублікі Беларусь ад 11 лютага 2006 года № 192».
Кіраўнікам дзяржаўных архіўных устаноў Рэспублікі Беларусь прадпісана забяспечыць персанальны кантроль за своечасовым прадстаўленням навінавай інфармацыі на інтэрнэт-сайт «Архівы Беларусі».
Па другім пытанні калегія вырашыла ў цэлым ўхваліць праект Метадычных указанняў.
Калегіяй Дэпартамента былі разгледжаны дадатковыя пытанні:
- аб рабоце, якая праводзіцца ў рамках планаў ідэалагічнай работы;
- пра ўзмацненне кантролю за ходам выканання мерапрыемстваў, прадугледжаных падпраграмай «Архівы Беларусі» Дзяржаўнай праграмы «Культура Беларусі» на 2021 – 2025 гады і Дзяржаўнай праграмы «Лічбавае развіццё Беларусі» на 2021-2025 гады;
- аб выкананні мерапрыемстваў па падрыхтоўцы да асенне-зімовага перыяду.