Ад тэорыі да практыкі: у Нацыянальным гістарычным архіве Беларусі прайшоў Адзіны дзень бяспекі

23 верасня 2026 г. у Нацыянальным гістарычным архіве Беларусі прайшоў сход працоўнага калектыву ў рамках Адзінага дня бяспекі. Сустрэча была прысвечана прафілактыцы надзвычайных сітуацый і павышэнню культуры бяспекі работнікаў на працоўных месцах.

Перад калектывам выступіў галоўны інжынер архіва Руслан Канапацкі. У рамках свайго даклада ён падрабязна асвятліў ключавыя аспекты пажарнай бяспекі ў архіве, нагадаўшы аб жорсткіх патрабаваннях да эксплуатацыі электраабсталявання ў працоўных кабінетах і архівасховішчах, правілах утрымання эвакуацыйных выхадаў, а таксама алгарытмах першаснага тушэння магчымых узгаранняў.

Практычную навочнасць тэарэтычнай часткі забяспечыў вядучы інжынер Валерый Цімброўскі. Ён прадэманстраваў супрацоўнікам вуглекіслотны вогнетушыцель, падрабязна расказаў аб прынцыпе яго работы, правілах прывядзення ў дзеянне ў экстранай сітуацыі і мерах бяспекі пры яго выкарыстанні.

Адмысловая ўвага на зборы было акцэнтавана на дзеяннях працаўнікоў пры надзвычайных сітуацыях. Руслан Канапацкі дэталёва разабраў схему эвакуацыі з будынку, сігналы грамадзянскай абароны і парадак узаемадзеяння работнікаў да прыбыцця выратавальных разлікаў МНС. Таксама былі разгледжаны меры па прафілактыцы вытворчага траўматызму, мінімізацыі рызык на працоўных месцах і абавязковаму выкананню інструкцый па ахове працы.

Тэарэтычная частка сустрэчы завяршылася дэманстрацыяй тэматычных навучальных відэаматэрыялаў, пасля чаго жадаючыя змаглі задаць галоўнаму і вядучаму інжынерам пытанні па тэме, якая абмяркоўваецца.

Практычная адпрацоўка атрыманых ведаў запланавана на 24 верасня. У гэты дзень у архіве пройдзе вучэбная эвакуацыя, падчас якой калектыў зможа замацаваць навыкі хуткіх і зладжаных дзеянняў пры ўзнікненні няштатных сітуацый.

1. Выступленне Р.АКанапацкага

2. Падчас мерамрыемства

3. Вядучы інжынер В.Л.Цымброўскі дэманструе працу вогнетушыцеля

4. Калектыў НГА Беларусі падчас мерапрыемства