Урачысты сход калектыву Нацыянальнага архіва Рэспублікі Беларусь, прысвечаны 99-годдзю з дня ўтварэння архіва

Апублікавана: 29 мая 2026 г.

28 мая 2026 года ў Нацыянальным архіве Рэспублікі Беларусь (далей – НАРБ) адбыўся ўрачысты сход калектыву, прымеркаваны да 99-й гадавіны стварэння архіва. Дырэктар НАРБ А.К.Дзямянюк павіншаваў калектыў з днём нараджэння архіва, падзякаваў яму за плённую працу і выказаў упэўненасць у тым, што архіў і надалей будзе развівацца, выконваючы ўсе ўскладзеныя на яго задачы.

Намеснік дырэктара НАРБ С.У.Кулінок адзначыў высокі прафесіяналізм работнікаў архіва і іх чалавечыя якасці. Ён таксама прадставіў калектыву распрацаваную да 100-годдзя НАРБ эмблему і слоган.

У гэты святочны дзень узнагародамі архіва былі ўзнагароджаны работнікі НАРБ. За добрасумленныя адносіны да работы і актыўны ўдзел у жыцці архіва падзякамі НАРБ былі адзначаны вядучыя архівісты сектара планавання і метадычнай работы аддзела навукова-тэхнічнай апрацоўкі дакументаў Малькевіч А.А. і Малькевіч Д.А.

За актыўны ўдзел у падрыхтоўцы відэароліка «Al-History: Жанчынам Вялікай Перамогі прысвячаецца» падзякай НАРБ была адзначана архівіст сектара аблічбоўкі дакументаў аддзела аўтаматызаваных архіўных тэхналогій П.А.Голубева.

За добрасумленныя адносіны да работы і актыўны ўдзел у жыцці архіва Ганаровымі граматамі НАРБ былі ўзнагароджаны архівіст Г.І.Бокша і намеснік дырэктара С.У.Кулінок.

Нагруднымі знакамі «За заслугі» за добрасумленныя адносіны да работы, высокі прафесіяналізм, актыўны ўдзел у грамадскім жыцці архіва, а таксама ў сувязі з 20-годдзем работы ў НАРБ былі ўзнагароджаны намеснік загадчыка аддзела навукова-тэхнічнай апрацоўкі дакументаў М.В.Ісайчук і намеснік загадчыка аддзела выкарыстання дакументаў.

У гэты святочны дзень для работнікаў НАРБ таксама была прадстаўлена дакументальная выстава «Захавальніцы часу: жанчыны ў гісторыі архіваў».