Аб правядзенні семінара ва ўстанове «Занальны дзяржаўны архіў у г.Оршы» ў рамках Міжнароднага тыдня архіваў

У рамках Міжнароднага тыдня архіваў у чытальнай зале Дзяржархіва ў г.Оршы загадчыкам аддзела фарміравання НАФ Сянькоўскай Наталляй праведзены семінар на тэму «Правядзенне навукова-тэхнічнай апрацоўкі дакументаў. Афармленне і фарміраванне спраў. Перадача дакументаў у Дзяржархіў у г.Оршы» з маладымі спецыялістамі, адказнымі за архіў арганізацый г.Оршы і Аршанскага раёна.

У ходзе правядзення семінара разглядалася пытанне аб ліквідацыі запазычанасці па прыёме дакументаў пастаяннага захоўвання ў Дзяржархіў у г.Оршы. Абмяркоўваліся шляхі вырашэння гэтай праблемы.

Загадчык аддзела забеспячэння захаванасці дакументаў Машканава Таццяна правяла аглядную экскурсію па архівасховішчы.

Мерапрыемства завяршылася праглядам дакументальнага фільма «Гісторыя Вялікай Перамогі», створанага Беларускім дзяржаўным архівам кінафотафонадакументаў.

1-2. Загадчык аддзела фарміравання НАФ Дзяржархіва ў г.Оршы Сянькоўская Наталля праводзіць семінар з маладымі спецыялістамі, адказнымі за архіў арганізацый г.Оршы і Аршанскага раёна

3. Удзельнікі семінара

4. Загадчык аддзела забеспячэння захаванасці дакументаў Машканава Таццяна праводзіць аглядную экскурсію па архівасховішчы

5. Удзельнікі семінара падчас паказу дакументальнага фільма «Гісторыя Вялікай Перамогі», створанага Беларускім дзяржаўным архівам кінафотафонадакументаў