Урачысты сход калектыву Нацыянальнага архіва Рэспублікі Беларусь, прымеркаваны да Дня Перамогі і да Дня Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь

8 мая 2025г. у Нацыянальным архіве Рэспублікі Беларусь (далей – НАРБ) адбыўся ўрачысты сход працоўнага калектыву, прымеркаваны да Дня Перамогі, а таксама да Дня Дзяржаўнага сцяга, Дзяржаўнага герба і Дзяржаўнага гімна Рэспублікі Беларусь.

Дырэктар НАРБ А.К.Дзямянюк адзначыў важнасць названых святаў у памяці беларускага народа. Таксама ён адзначыў вялікі ўклад работнікаў архіва ў справу захавання гістарычнай праўды пра падзеі Вялікай Айчыннай вайны.

Намеснік дырэктара НАРБ, к.г.н. С.В.Кулінок расказаў аб укладзе беларускага народа ў справу перамогі над фашызмам, а таксама спыніўся на асноўных напрамках работы архіва па захавання гістарычнай памяці (выдавецкія і выставачныя праекты, інтэрнэт-праекты, навуковыя канферэнцыі і круглыя сталы).

Вядучы навуковы супрацоўнік аддзела выкарыстання дакументаў і інфармацыі, к.г.н., дацэнт В.Г.Мазец распавёў калектыву архіва аб асноўных этапах гісторыі фарміравання дзяржаўных сімвалаў нашай дзяржавы.

Таксама 11 мая 2025 г.работнікі НАРБ прынялі ўдзел у правядзенні маштабнай акцыі, арганізаванай грамадскім аб’яднаннем «Белая Русь» і Федэрацыяй прафсаюзаў Беларусі – ад стэлы «Мінск – горад-герой» па праспекце Пераможцаў яны пранеслі велізарнае палотнішча Дзяржаўнага сцяга Рэспублікі Беларусь даўжынёй 500 метраў і шырынёй 9 метраў.

1. Выступленне дырэктара НАРБ А.К.Дземянюка

2. Выступленне намесніка дырэктара НАРБ С.В.Кулінка

3. Выступленне вядучага навуковага супрацоўніка В.Г.Мазеца

4. Калектыў НАРБ на ўрачыстым сходзе

5. Палотнішча Дзяржаўнага сцяга Рэспублікі Беларусь

6. Работнікі НАРБ удзельнічаюць у акцыі – нясуць палотнішча Дзяржаўнага сцяга Рэспублікі Беларусь

7. Работнікі НАРБ удзельнічаюць у акцыі – нясуць палотнішча Дзяржаўнага сцяга Рэспублікі Беларусь