Аб правядзенні Дня памяці, прысвечанага гераізму савецкага народа ў Вялікай Айчыннай вайне ва ўстанове «Дзяржаўны архіў грамадскіх аб’яднанняў Магілёўскай вобласці»
21 красавіка 2025 года напярэдадні святкавання 80-годдзя Перамогі ў Вялікай Айчыннай вайне і на выкананне рашэння калегіі Дэпартамента па архівах і справаводстве ў калектыве архіва праведзены дзень інфармавання, прысвечаны гераізму савецкага народа ў Вялікай Айчыннай вайне. Дырэктар установы «Дзяржаўны архіў грамадскіх аб’яднанняў Магілёўскай вобласці» Алена Набокава правяла інфармацыйнае мерапрыемства з праглядам дакументальнага фільма «Гісторыя Вялікай Перамогі» для супрацоўнікаў архіўнай установы.
Фільм заснаваны па хроніка-дакументальных матэрыялах і прысвечаны гераічнаму подзвігу савецкага народа. У фільме дэманструюцца асноўныя этапы Вялікай Айчыннай вайны: напад гітлераўскай Германіі, абарона Брэсцкай крэпасці, бітва за Маскву, аперацыя «Баграціён», «рэйкавая вайна», баявыя дзеянні ва Усходняй Прусіі, бітва за Берлін.
Дакументальны фільм «Гісторыя Вялікай Перамогі» быў створаны ўстановай «Беларускі дзяржаўны архіў кінафотафонадакументаў» пры падтрымцы Дэпартамента па архівах і справаводстве Міністэрства юстыцыі Рэспублікі Беларусь.
На фота: Супрацоўнікі архіва праглядаюць дакументальны фільм «Гісторыя Вялікай Перамогі».
