БДАМЛМ на выставе «Кавказу… Александр Рубец. Живопись»

28 лютага 2025 г. дырэктар Беларускага дзяржаўнага архіва-музея літаратуры і мастацтва (далее – БДАМЛМ) А.А.Макаранка прыняла ўдзел у адкрыцці выставы «Кавказу… Александр Рубец. Живопись», арганізаванай Нацыянальным мастацкім музеем Рэспублікі Беларусь.

Аляксандр Рубец – расійскі мастак беларускага паходжання, прадстаўнік расійскай і савецкай школы канца 1960-х – 1970-х гадоў, працуе ў жанрах пейзажу, нацюрморта і партрэта. З 2013 г.– ганаровы член Расійскай акадэміі мастацтваў, з 2023 г.– член-карэспандэнт Расійскай акадэміі мастацтваў. Узнагароджаны залатым і сярэбранымі медалямі Расійскай акадэміі мастацтваў, медалём «Шувалов» Расійскай акадэміі мастацтваў, медалём «За заслуги перед Академией РАХ». Творы Аляксандра Рубца знаходзяцца больш чым у дваццаці мастацкіх музеях Расійскай Федэрацыі і Рэспублікі Беларусь.

Усяго на выставе прадстаўлена больш за 50 карцін, пейзажаў і нацюрмортаў, напісаных мастаком за апошнія 12 гадоў.

Творы Аляксандра Рубца ўвасабляюць яго бачанне свету, імкненне перадаць магутнасць і веліч прыроды Каўказа. Мастак здолеў стварыць сваю ўласную маляўнічую прастору, якая існуе ў адмысловым вымярэнні, дзе пануюць колер, форма і пачуццё.

Выстава «Кавказу… Александр Рубец. Живопись» будзе экспанавацца з 28 лютага па 13 красавіка 2025 года ў галоўным будынку Нацыянальнага мастацкага музея.

1. Дырэктар БДАМЛМ А.А.Макаранка на адкрыцці выставы «Кавказу… Александр Рубец. Живопись»

2. Падчас урачыстага адкрыцця выставы ў НММ РБ