У Дзяржаўным архіве Мінскай вобласці адбылося адкрыццё гісторыка-дакументальнай выстаўкі да 80-годдзя Вялікай Перамогі

28 лютага 2025 года ў Дзяржаўным архіве Мінскай вобласці адбылося ўрачыстае адкрыццё гісторыка-дакументальнай выстаўкі «Вялікая Перамога. Без права на забыццё». Выстаўка падрыхтавана архівістамі аддзела выкарыстання і публікацыі дакументаў да 80-годдзя Перамогі савецкага народа ў Вялікай Айчыннай вайне. На мерапрыемстве прысутнічалі навучэнцы сярэдняй школы №110 г.Мінска імя І.М.Зубачова.

На выстаўцы прадстаўлены архіўныя дакументы і матэрыялы аб вызваленні Чырвонай Арміяй еўрапейскіх гарадоў, аб пераможным маі 1945 года, вяртанні дадому савецкіх войскаў і г.д. Асобна прадстаўлены дакументы аб адным з самых вядомых сімвалаў сталіцы – мануменце Перамогі на Плошчы Перамогі.

Далей для навучэнцаў была праведзена аглядная экскурсія, падчас якой юнакі і дзяўчаты наведалі архівасховішча дзяржархіва, дзе даведаліся аб умовах захоўвання дакументаў і іх сістэматызацыі. Таксама навучэнцы пазнаёміліся з архіўнымі дакументамі, якія сведчаць аб генацыдзе беларускага народа ў гады Вялікай Айчыннай вайны.

1. Гісторыка-дакументальная выстаўка «Вялікая Перамога. Без права на забыццё»

2. На адкрыцці выставы

3. На адкрыцці выставы

4. Падчас экскурсіі ў архівасховішча

5. Падчас экскурсіі

6. Падчас экскурсіі

7. Вучні сярэдняй школы №110 г.Мінска імя І.М.Зубачова