Юбілей установы і перамога архівістаў у фокусе тэлекамер: ЗГА ў г.Маладзечна прыняў удзел у здымках СТБ і МКТБ

11 лютага Занальны дзяржархіў у г.Маладзечна адзначыў 85-гадовы юбілей. Падзея паслужыла інфапаводам не толькі для рэгіянальных СМІ, але і рэспубліканскіх. Напярэдадні свята гасцямі ўстановы сталі карэспандэнт Маладзечанскай газеты, здымачныя групы МКТБ і СТБ. У фокусе ўвагі журналістаў-гісторыя ўстановы, яго дасягненні і поспехі.

У прыватнасці, на пасяджэнні калегіі дэпартамента па архівах і справаводстве Міністэрства юстыцыі Рэспублікі Беларусь былі падведзены вынікі работы дзяржаўных архіўных устаноў за 2024 год, вызначаны асноўныя напрамкі дзейнасці беларускіх архівістаў на наступны перыяд, адзначаны архіўныя ўстановы, якія дасягнулі па выніках работы найлепшых вынікаў. Так, лідэрам сярод занальных архіваў Рэспублікі стаў Занальны дзяржархіў у г.Маладзечна. Перамога маладзечанскіх архівістаў не стала «падарункам» да свята, а з’явілася заслужаным вынікам намаганняў калектыву прафесіяналаў, які з адказнасцю ставіцца да архіўнай справы.

У інтэрв’ю работнікі ўстановы падзяліліся інфармацыяй аб задачах на 2025 год, распавялі пра спецыфіку і важнасць сваёй працы, правялі для медыйных гасцей майстар-класы і экскурсіі. Зняты матэрыял ляжа ў аснову тэлеперадач «Цэнтральны рэгіён» на СТБ і «Навіны: час мясцовы» на МКТБ.

Урачыстае мерапрыемства з нагоды юбілею архіва прынята рашэнне правесці пазней.

1. Вядучы архівіст Д.А.Жадзёнаў падчас аблічбоўкі дакументаў

2. Заг.аддзелам справаводства і фарміравання НАФ I.Г.Кутас падчас інтэрв’ю

3. Заг. аддзелам выкарыстання і публікацыі дакументаў А.А.Тамковіч падчас інтэрв’ю

4. Заг.аддзелам забеспячэння захаванасці, дзяржаўнага ўліку і НСА В.М.Дварэцкая ў час інтэрв’ю