Рабочая сустрэча ў НАРБ з работнікамі Аб’яднанага інстытута праблем інфарматыкі Нацыянальнай акадэміі навук Рэспублікі Беларусь па пытаннях прымянення штучнага інтэлекту ў архіўнай дзейнасці

11 лютага 2025 года па ініцыятыве Дэпартамента па архівах і справаводстве Міністэрства юстыцыі Рэспублікі Беларусь на базе Нацыянальнага архіва Рэспублікі Беларусь адбылася рабочая сустрэча архівістаў з дэлегацыяй Аб’яднанага інстытута праблем інфарматыкі Нацыянальнай акадэміі навук Беларусі – галаўной арганізацыі Беларусі па даследаваннях у галіне інтэлектуальных даследаванняў, якую ўзначаліў намеснік генеральнага дырэктара па навуковай рабоце інстытута С.Н.Касанін.

Намеснік дырэктара Дэпартамента па архівах і справаводстве А.Я.Цвяткоў у прывітальным слове абазначыў важнасць развіцця тэхналогій з выкарыстаннем штучнага інтэлекту і ўкаранення іх у архіўную справу.

Перад вучонымі выступіла намеснік дырэктара Нацыянальнага архіва А.А.Стуканава. У сваім дакладзе Алена Аляксандраўна расказала аб асноўных напрамках дзейнасці архіва, а таксама спынілася на праблемных пытаннях, якія патрабуюць пошуку тэхналагічных рашэнняў: як дапамагчы грамадзянам зарыентавацца, у які архіў звяртацца па неабходныя ім звесткі і пры гэтым скараціць працавыдаткі архівістаў; як выкарыстоўваць лічбавыя копіі дакументаў для пошуку ў іх інфармацыі і інш. Для гасцей архіва таксама была праведзена экскурсія.

Працягваючы рабочую сустрэчу, перад прысутнымі выступіў дырэктар Беларускага цэнтра лічбавізацыі архіўнай дзейнасці Д.В.Шаброў з дакладам «Інфармацыйныя сістэмы і рэсурсы, якія адмініструюцца Цэнтрам».

Падводзячы вынікі сустрэчы, архівісты і вучоныя абмеркавалі практычныя аспекты ўкаранення штучнага інтэлекту ў архіўную дзейнасць і дамовіліся аб працягу супрацоўніцтва.

1. Намеснік дырэктара Дэпартамента па архівах і справаводству А.Я.Цвяткоў

2. Прадстаўнікі Аб’яднанага інстытута праблем інфарматыкі Нацыянальнай акадэміі навук Беларусі, крайні справа – намеснік генеральнага дырэктара па навуковай рабоце інстытута С.М.Касанін

3. Удзельнікі працоўнай сустрэчы

4. Выступленне намесніка дырэктара Нацыянальнага архіва А.А.Стуканавай

5. Выступленне дырэктара Беларускага цэнтра цыфравізацыі архіўнай дзейнасці Д.В.Шаброва

6. Прадстаўнікі Беларускага цэнтра цыфравізацыі архіўнай дзейнасці, якія прынялі ўдзел у рабочай сустрэчы

7. Падчас экскурсіі па Нацыянальным архіве

8. Падчас экскурсіі па Нацыянальным архіве