Адкрыццё выставы «Архітэктура скрозь стагоддзі»
27 верасня адбылося адкрыццё выставы «Архітэктура скрозь стагоддзі», арганізаванай сумесна Беларускім грамадскім аб’яднаннем фатографаў (далей – БГАФ), Беларускім дзяржаўным архівам кінафотафонадакументаў і Беларускім саюзам архітэктараў.
Фотадакументы БДАКФФД, прадстаўленыя на выставе, ілюструюць змяненне аблічча сталіцы ў перадваенныя і пасляваенныя гады і ўяўляюць сабой унікальныя сведчанні гісторыі сваёй эпохі. Асабліва неабходна адзначыць унікальнасць гэтых фотадакументаў – многія з гэтых фатаграфій публікуюцца ўпершыню.
Выстава выклікала жывую цікавасць у мінчан і гасцей сталіцы. На адкрыцці прысутнічалі не толькі прадстаўнікі грамадскіх арганізацый і ўстаноў культуры, але і студэнты, і шырокае кола усіх, хто цікавіцца фатаграфіяй і архітэктурай.
Выкарыстанне фатаграфій, у тым ліку архіўных фотадакументаў з’яўляецца добрай дапамогай для захавання гісторыі архітэктуры Беларусі і наглядным спосабам перадачы гістарычнай спадчыны краіны новаму пакаленню. Як адзначыў Старшыня БГАФ Уладзіслав Карлавіч Рута, аб’яднанне фатографаў у далейшым плануе ўмацоўваць і развіваць супрацоўніцтва з Беларускім дзяржаўным архівам кінафотафонадакументаў і актывізаваць сумесную выставачную дзейнасць.
Выстава будзе знаходзіцца у Нацыянальным цэнтры сучасных мастацтваў па адрасе праспект Незалежнасці, 47, да 15 кастрычніка.
 |
| Афіша да выставы «Архітэктура скрозь стагоддзі» |
 |
| Падчас прэзентацыі выставы «Архітэктура скрозь стагоддзі» |
 |
| Падчас прэзентацыі выставы «Архітэктура скрозь стагоддзі» |
 |
| Падчас прэзентацыі выставы «Архітэктура скрозь стагоддзі» |
 |
| Падчас прэзентацыі выставы «Архітэктура скрозь стагоддзі» |
 |
| Падчас прэзентацыі выставы «Архітэктура скрозь стагоддзі» |