4 кастрычніка 2021 г. адбылося пасяджэнне калегіі Дэпартамента па архівах і справаводству Міністэрства юстыцыі Рэспублікі Беларусь
4 кастрычніка 2021 г. адбылося пасяджэнне калегіі Дэпартамента па архівах і справаводству Міністэрства юстыцыі Рэспублікі Беларусь, на якім было разгледжана пытанне аб падрыхтоўцы дзяржаўных архіўных устаноў да асенне-зімовага перыяду 2021/2022 года.
Калегіяй адзначана, што дзяржаўныя архіўныя ўстановы забяспечылі належную падрыхтоўку да асенне-зімовага перыяду 2021/2022 года.
На падставе вынікаў вясновых і восеньскіх тэхнічных аглядаў будынкаў, аналізу функцыянавання сістэм у мінулым асенне-зімовым перыядзе, а таксама адпаведных распарадчых дакументаў, былі распрацаваны планы і арганізацыйна-тэхнічныя мерапрыемствы на будучы асенне-зімовы сезон.
Усе неабходныя работы праводзіліся ў адпаведнасці з пастановай Савета Міністраў Рэспублікі Беларусь ад 19 чэрвеня 2021 г. № 351 “Аб падрыхтоўцы да работы ў асенне-зімовы перыяд 2021/2022 года” і патрабаваннямі Правілаў падрыхтоўкі арганізацый да ацяпляльнага сезона, яго правядзення і завяршэння, зацверджаных пастановай Савета Міністраў Рэспублікі Беларусь ад 5 мая 2020 г. № 286 і Правілаў цеплазабеспячэння, зацверджаных пастановай Савета Міністраў Рэспублікі Беларусь ад 11 верасня 2019 г. № 609.
На пасяджэнні калегіі таксама былі разгледжаны актуальныя пытанні дзейнасці дзяржаўных архіўных устаноў, звязаныя з забеспячэннем інфармацыйнай бяспекі, умацаваннем працоўнай і выканальніцкай дысцыпліны, арганізацыяй работы ва ўмовах пандэміі СOVID-19.
