Аб правядзенні ва ўстанове «Дзяржаўны архіў Гомельскай вобласці» мерапрыемства «Свечка памяці»
22 чэрвеня 2026 г. Рэспубліка Беларусь адзначае 85-ю гадавіну пачатку Вялікай Айчыннай вайны – Дзень усенароднай памяці ахвяр вайны і генацыду беларускага народа. У гэты дзень пачалася Вялікая Айчынная вайна – адна з самых жорсткіх і крывавых у гісторыі нашай краіны.
Са словамі смутку і павагі да гераічнага мінулага беларускага народа выступіў перад калегамі дырэктар архіва Юрый Шастапалаў:
– Тэрыторыя Беларусі першай прыняла на сябе разгромны ўдар ворага. Спаленыя вёскі і гарады, незлічоныя карныя аперацыі, лагеры смерці, турэмніцы і гета, публічныя пакаранні і масавыя расстрэлы – гэта «нямецкі парадак», здзейснены фашыстамі. Аб ахвярах Вялікай Айчыннай вайны і бязлітасным генацыдзе беларускага народа гавораць ва ўсіх кутках, бо практычна кожны кавалак нашай зямлі прасякнуты крывёю і болем. Гэтым злачынствам няма забыцця і няма прабачэння. Мы павінны памятаць і шанаваць памяць тых, хто змагаўся і гінуў за Радзіму. Менавіта гэтая памяць дае нам сілу і матывацыю будаваць мірную і квітнеючую будучыню.
У 12:00 супрацоўнікі Дзяржаўнага архіва Гомельскай вобласці далучыліся да агульнанацыянальнай хвіліны маўчання і ўшанавалі памяць загінулых у Вялікай Айчыннай вайне.
На фота: Падчас правядзення мерапрыемства «Свечка памяці»
 |