Удзел работнікаў Нацыянальнага архіва Рэспублікі Беларусь у канферэнцыі «ARS LONGA: навуковыя дасягненні і перспектывы»

16 красавіка 2026 года работнікі ДУ «Нацыянальны архіў Рэспублікі Беларусь» прынялі ўдзел у IX Міжнароднай навукова-практычнай канферэнцыі маладых даследчыкаў Інстытута гісторыі Нацыянальнай акадэміі навук Беларусі «ARS LONGA: навуковыя дасягненні і перспектывы».

З прывітальным словам да ўдзельнікаў канферэнцыі звярнуўся дырэктар Інстытута гісторыі Нацыянальнай акадэміі навук Беларусі В.Л.Лакіза. У сваім выступленні ён расказаў пра гісторыю арганізацыі канферэнцыі, а таксама падкрэсліў яе навукова-практычную значнасць, дзякуючы якой маладыя вучоныя маюць магчымасць прадставіць свае даследчыя работы і атрымаць карысныя рэкамендацыі ад вопытных калег.

Работнікі Нацыянальнага архіва Рэспублікі Беларусь прынялі ўдзел у працы секцыі «Гісторыя Беларусі навейшага часу». Вядучы архівіст аддзела публікацый В.М.Бароўская выступіла з дакладам на тэму «Роля Беларускай дзяржаўнай і ўніверсітэцкай бібліятэкі ў развіцці кнігаабмену Савецкай Беларусі ў 1923–1932 гг.», загадчыкам аддзела інфармацыйна-пошукавых сістэм В.Ю.Юркевіч быў прадстаўлены даклад на тэму «Культурна-асветніцкая дзейнасць у Народным камісарыяце юстыцыі БССР: да пытання аб фарміраванні вольнага часу савецкіх служачых у 1920-я гг.».

Выступленні архівістаў выклікалі прафесійны інтарэс з боку аўдыторыі. Дакладчыкам былі адрасаваны пытанні, якія садзейнічалі вызначэнню новых напрамкаў для далейшага даследавання названых тэм.

1. Дырэктар Інстытута гісторыі Нацыянальнай акадэміі навук Беларусі В.Л.Лакіза падчас прывітальнай прамовы

2. Загадчык аддзела інфармацыйна-пошукавых сістэм Нацыянальнага архіва Рэспублікі Беларусь В.Ю.Юркевіч

3. Праграма канферэнцыі і памятныя падарункі ўдзельнікам канферэнцыі