Аб удзеле ўстановы «Дзяржаўны архіў грамадскіх аб’яднанняў Гомельскай вобласці» ў дыялогавай пляцоўцы

25 лістапада 2025 года ў сценах РУП «Гомельэнерга» адбылася значная дыялогавая пляцоўка, прысвечаная адной з ключавых падзей у гісторыі горада – яго вызваленню. Мерапрыемства сабрала разам апарат кіравання і актыўную моладзь Гомельскай энергасістэмы, стварыўшы ўнікальную магчымасць для абмену думкамі і паглыблення ведаў аб гераічным мінулым.

Дырэктар архіва прадставіла ўдзельнікам фільм «Вызваленне», падрыхтаваны установай «Беларускі дзяржаўны архіў кінафотафонадакументаў» у рамках праекта «Адкрыты кінаархіў. Гэты дзень мы набліжалі, як маглі». Кадры хронікі, якія ажылі на экране, перанеслі прысутных у суровыя гады вайны, дазволіўшы адчуць увесь драматызм і гераізм барацьбы за вызваленне Гомеля. Гэта быў не проста прагляд, а апусканне ў мінулае, магчымасць дакрануцца да подзвігу тых, хто цаной неверагодных намаганняў вярнуў мірнае неба над родным горадам.

Таксама для ўсіх прысутных быў прадстаўлены выставачны праект «Гомельскі полк народнага апалчэння: гісторыя, подзвіг, памяць», які прымеркаваны да 80-годдзя вызвалення Гомеля ад нямецка-фашысцкіх захопнікаў і распавядае пра гісторыю стварэння, дзейнасці, арганізатараў і ўдзельнікаў Гомельскага палка народнага апалчэння.

Напрыканцы мерапрыемства Ірына Уладзіміраўна перадала ў дар РУП «Гомельэнерга» зборнікі дакументаў, якія асвятляюць сацыяльна-эканамічнае і палітычнае развіццё Гомельскай вобласці ў пасляваенныя дзесяцігоддзі, падрыхтаваныя дзяржаўным архівам грамадскіх аб’яднанняў.

1. Выступленне дырэктара ГАООГО I.В.Жиневой перад праглядам фільма

2-3. Калектыў РУП «Гомельэнерга» падчас прагляду фільма

4. Кадры з фільма «Вызваленне»

5. Ірына Уладзіміраўна перадае ў дар зборнікі дакументаў намесніку генеральнага дырэктара па ідэалагічнай працы РУП «Гомельэнерга» Казакову Ігару Аляксандравічу

6. Выставачны праект «Гомельскі полк народнага апалчэння: гісторыя, подзвіг, памяць»