Справаздача і выбар: на базе Занальнага дзяржаўнага архіва ў г.Маладзечна адбыўся пленум Маладзечанскай раённай арганізацыі Беларускага прафсаюза работнікаў дзяржаўных і іншых устаноў

На базе Занальнага дзяржаўнага архіва ў г.Маладзечна адбыўся справаздачна-выбарны пленум Маладзечанскай раённай арганізацыі Беларускага прафсаюза работнікаў дзяржаўных і іншых устаноў. Быў падведзены вынік дзейнасці галіновага прафсаюза за мінулы перыяд і праведзена перавыбранне кіраўнічага складу.

Старшынёй раённай прафсаюзнай арганізацыі абрана намеснік начальніка арганізацыйна-кадравага аддзела Маладзечанскага райвыканкама — Алена Міхальцова. Да гэтага раённы камітэт узначальвала дырэктар дзяржаўнага архіва — Іна Пудакевіч.

У сваім выніковым выступленні яна падзякавала калегам за плённае супрацоўніцтва і актыўны ўдзел у дзейнасці прафсаюза. Адзначыла важную ролю арганізацыі ў вырашэнні прававых пытанняў, абароне інтарэсаў працоўных, правядзенні аздараўленчых мерапрыемстваў, развіцці спартыўнага і культурнага жыцця, а таксама ў грамадскай актыўнасці, уключаючы ўдзел у выбарчых кампаніях.

Іна Пудакевіч пажадала новай старшыні поспехаў у далейшай працы і падкрэсліла ўпэўненасць у яе прафесіяналізме і адданасці мэтам прафсаюза.

У рамках мерапрыемства ўдзельнікам быў прадстаўлены дакументальны фільм «Гісторыя Вялікай Перамогі». Пасля прагляду госці прынялі ўдзел у агляднай экскурсіі па архіву, падчас якой азнаёміліся з яго фондамі і даведаліся пра значнасць установы ў захаванні дакументальнай спадчыны.

1-3. У час правядзення справаздачна-выбарнага пленума Маладзечанскай раённай арганізацыі Беларускага прафсаюза работнікаў дзяржаўных і іншых устаноў;

4.Архівіст Марыя Мячкоўская з анатацыяй да фільма «Гісторыя Вялікай Перамогі»;

5.Загадчык аддзела выкарыстання і публікацыі дакументаў Алена Тамковіч падчас правядзення экскурсіі.