Аб кінапаказе, арганізаваным дзяржархівам Брэсцкай вобласці ў Брэсцкім дзяржаўным тэхнічным універсітэце

Дзяржаўны архіў Брэсцкай вобласці прымае актыўны ўдзел у мерапрыемствах, прысвечаных 80-годдзю Перамогі савецкага народа ў Вялікай Айчыннай вайне, а таксама працягвае ўдзел у рэалізацыі праекта «Адкрыты кінаархіў».

17 красавіка 2025 года ў Брэсцкім дзяржаўным тэхнічным універсітэце адбыўся адзіны дзень інфармавання «Подзвігу народа жыць у стагоддзях» з удзелам Дзяржаўнага архіва Брэсцкай вобласці.

Архівісты арганізавалі для студэнтаў кінапаказ дакументальнага фільма «Гісторыя Вялікай Перамогі», падрыхтаванага Беларускім дзяржаўным архівам кінафотафонадакументаў.

Вядучы архівіст аддзела выкарыстання і публікацыі дакументаў Вераніка Крышчанка распавяла прысутным аб праекце «Адкрыты кінаархіў», пра тое, як ствараўся фільм, на аснове якіх дакументаў.

У рамках мерапрыемства таксама была прадстаўлена падрыхтаваная Дзяржархівам Брэсцкай вобласці банэрная выстаўка архіўных дакументаў «Была вайна… Была перамога!», якая будзе экспанавацца ва ўніверсітэце да 22 красавіка 2025 года.

1. Вядучы архівіст аддзела выкарыстання і публікацыі дакументаў Вераніка Крышчанка распавядае аб дакументальным фільме

2. Студэнты падчас кіналекторыя

3. Падчас прагляду фільма

4. Выстаўка архіўных дакументаў «Была вайна… Была перамога!»