Удзел ЗГА у г.Жлобіне ў дыялогавай пляцоўцы, прысвечанай Міжнароднаму дню вызвалення вязняў фашысцкіх канцлагераў

Апублікавана: 11 красавіка 2025 г.

11 красавіка, у Міжнародны дзень вызвалення вязняў фашысцкіх канцлагераў, супрацоўнікі ўстановы «Занальны дзяржаўны архіў у г.Жлобіне», дырэктар Дударава Галіна Анатольеўна і архівіст Елісеева Ірына Мікалаеўна, прынялі ўдзел у дыялогавай пляцоўцы, прысвечанай захаванню памяці аб тых, хто перажыў нясцерпныя выпрабаванні падчас Вялікай Айчыннай вайны.

Арганізатарам мерапрыемства з’яўляюцца грамадскія арганізацыі ААТ «БМЗ-УКХ «БМК».

На сустрэчу былі таксама запрошаны прадстаўнікі Жлобінскіх раённых арганізацый АА «БРСМ», «Беларускі саюз жанчын», «Белая Русь», Савет ветэранаў Жлобінскага раёна і інш.

Галіна Анатольеўна расказала аб лагеры смерці «Азарычы», які знаходзіўся ў 1944 годзе на тэрыторыі Даманавіцкага раёна Палескай вобласці (зараз Калінкавіцкі раён Гомельскай вобласці). Канцлагер, які праіснаваў усяго 10 дзён, загубіў жыцці болей 20 тысяч мірных жыхароў.

Ірына Мікалаеўна азнаёміла прысутнічаючых з дакументамі асабістага паходжання малалетняга вязня «Азарычы» Пархоменкі Г.Г., якія асцярожна захоўваюцца ў дзяржархіве г.Жлобіна.

У завяршэнні выступлення супрацоўнікі архіва прадставілі да прагляду фільм «Вязні», падрыхтаваны БДАКФФД. Гэты кранальны і глыбокі матэрыял пакінуў непазбыўнае ўражанне і стаў важным напамінам аб значнасці гістарычнай памяці.

Завяршылася сустрэча наведваннем мемарыяльнага комплексу памяці ахвяр нацысцкага канцлагера «Азарычы», дзе ўдзельнікі сустрэчы ўшанавалі хвілінай маўчання бязвінных ахвяр і ўсклалі кветкі на брацкай магіле.