Інтэрв’ю радыё «Культура» пра віртуальную выставу «Рэха пачаткаў: Ю.В.Тарыч і У.У.Корш-Саблін – стваральнікі беларускага ігравога кіно»

4 красавіка 2025г. вядучы навуковы супрацоўнік аддзела інфармацыі, публікацыі і выкарыстання дакументаў Беларускага дзяржаўнага архіва-музея літаратуры і мастацтва Дзмітрый Самахвалаў даў інтэрв’ю Але Івановай, вядучай праграмы «Віртуозы» радыё «Культура», прысвечанае юбілею беларускага рэжысёра У.У.Корш-Сабліна. Асновай для размовы стала віртуальная выстава «Рэха пачаткаў: Ю.В.Тарыч і У.У.Корш-Саблін – стваральнікі беларускага ігравога кіно», сфарміраваная на аснове дакументаў архіва-музея.

Падчас інтэрв’ю абмяркоўваліся пытанні жыццёвага і творчага лёсу рэжысёра, яго працы ў беларускім савецкім кінематографе, унёску ў культуру Беларусі. Д.Самахвалаў распавёў пра асабісты фонд У.У.Корш-Сабліна, значэнне захаваных дакументаў для культурнай спадчыны нашай краіны. Нагадаем, што з віртуальнай выставай можна пазнаёміцца па спасылцы.