27 сакавіка 2025 г.у БелНДІДАС адбыўся аднадзённы навучальны семінар на тэму: «Справаводства па зваротах грамадзян і юрыдычных асоб»

У семінары ў якасці слухачоў (аўдыторна і дыстанцыйна) прынялі ўдзел прадстаўнікі дзяржаўных органаў, іншых арганізацый, усяго 20 чалавек.

Семінар адкрыў дырэктар БелНДІДАС к.г.н., дацэнт А.Я.Рыбакоў, які адзначыў значэнне работы са зваротамі грамадзян і юрыдычных асоб у дзяржаўных органах, іншых арганізацыях, а таксама інфармаваў слухачоў аб навукова-метадычных распрацоўках інстытута ў сферы архіўнай справы і справаводства, навучальных мерапрыемствах па профільнай тэматыцы, якія праводзяцца інстытутам.

Лектарам ад БелНДІДАС на семінары выступіла вядучы навуковы супрацоўнік аддзела дакументазнаўства, к.г.н. К.П.Дзярновіч, якая асвятліла наступныя пытанні:

– заканадаўства аб зваротах грамадзян і юрыдычных асоб;
– рэгуляванне разгляду зваротаў грамадзян і юрыдычных асоб у арганізацыі;
– прымяненне сістэм справаводства (цэнтралізаванай, дэцэнтралізаванай);
– рэгістрацыя і ўлік пісьмовых, вусных, электронных зваротаў грамадзян і юрыдычных асоб, рэгістрацыя ідэнтычных і паўторных зваротаў;
– запаўненне рэгістрацыйна-кантрольных формаў;
– патрабаванні, што прад’яўляюцца да зместу, афармлення адказаў на звароты грамадзян і юрыдычных асоб;
– фарміраванне спраў і захоўванне зваротаў грамадзян і юрыдычных асоб і дакументаў, звязаных з іх разглядам;
– аналіз і абагульненне вынікаў разгляду зваротаў грамадзян і юрыдычных асоб.

Семінар завяршыўся круглым сталом, на якім К.П.Дзярновіч і А.Я.Рыбакоў адказалі на пытанні слухачоў.

Удзельнікі семінара высока ацанілі ўзровень праведзенага мерапрыемства, падкрэслілі важнасць і актуальнасць разгледжаных пытанняў, выказалі падзяку арганізатарам і лектарам.

Правядзенне семінараў і іншых навучальных мерапрыемстваў, якія арганізуюцца БелНДІДАС у рамках выканання даручэнняў Міністэрства юстыцыі Рэспублікі Беларусь і Дэпартамента па архівах і справаводству Міністэрства юстыцыі Рэспублікі Беларусь па растлумачэнні норм заканадаўства ў сферы архіўнай справы і справаводства, будзе працягнута.

1. Дырэктар БелНДІДАС А.Я.Рыбакоў адкрывае работу семінара

2. Слухачы падчас семінара

3. Вядучы навуковы супрацоўнік аддзела дакументазнаўства, к.г.н. К.П.Дзярновіч выступае перад слухачамі