Юны архівіст у дзеянні

21 сакавіка 2025 г. дырэктар установы «Занальны дзяржаўны архіў у г.Навагрудку» А.С.Забелінская прыняла ўдзел у практыкуме, які адбыўся ў ДУА «Сярэдняя школа №3 г.Навагрудка імя В.Г.Гаховіч» для намеснікаў кіраўнікоў па выхаваўчай рабоце ўстаноў агульнай сярэдняй адукацыі па тэме «Сістэмна-дзейнасны падыход да арганізацыі прафарыентацыйнай работы ва ўстанове адукацыі».

У рамках інтэрактыўнай пляцоўкі «Актуальныя напрамкі прафарыентацыйнай работы» Ала Сцяпанаўна расказала прысутным аб рэалізацыі пілотнага праекта «Юны архівіст» на базе сярэдняй школы №3 г.Навагрудка імя В.Г.Гаховіч, яго мэтах і задачах, праінфармавала аб магчымасці атрымання мэтавага накіравання пры паступленні на гістарычны факультэт БДУ і далейшага працаўладкавання.

Удзел у праекце дазволіў вучням пазнаёміцца з прафесіяй архівіста, асноўнымі напрамкамі дзейнасці архіва, а таксама даў магчымасць звярнуцца да першакрыніц – архіўных дакументаў пры падрыхтоўцы школьных даследчых работ, прысвечаных гісторыі прамысловых прадпрыемстваў г.Навагрудка. Як вынік гэтай работы юныя архівісты прадставілі выставу дакументаў «Наследнікі Вялікай Перамогі».

На фота: Падчас правядзення мерапрыемства.