Правядзенне ў Нацыянальным гістарычным архіве Беларусі вытворчай практыкі магістрантаў

З 24 лютага па 21 сакавіка 2025 г. у Нацыянальным гістарычным архіве Беларусі праходзіла вытворчая (навукова-даследчая) практыка студэнтаў магістратуры гістарычнага факультэта Беларускага дзяржаўнага ўніверсітэта. Мэта практыкі заключалася ў набыцці практычных навыкаў працы з рукапіснымі крыніцамі, якія знаходзяцца на захоўванні ў архіве. Пад кіраўніцтвам намесніка дырэктара НГА Беларусі Сяргея Рындзіна магістранты выяўлялі і вывучалі неабходныя гістарычныя крыніцы.

Набытыя навыкі магістранты будуць выкарыстоўваць у сваёй далейшай прафесійнай дзейнасці, а сабраны гістарычны матэрыял – пры напісанні магістарскіх дысертацый.

НГА Беларусі ў далейшым плануе працягваць прымаць студэнтаў на практыку з мэтай перадачы ім практычнага вопыту па распрацоўцы рукапісных дакументаў.

На фота: Правядзенне вытворчай практыкі пад кіраўніцтвам намесніка дырэктара НГА Беларусі Сяргея Рындзіна