Урок памяці «Азарычы – незагойны боль і памяць», у дзяржаўным архіве грамадскіх аб’яднанняў Гомельскай вобласці

19 сакавіка 2025 года ў рамках рэспубліканскай акцыі «Архівы-школе» супрацоўнікамі ўстановы «Дзяржаўны архіў грамадскіх аб’яднанняў Гомельскай вобласці» праведзены ўрок памяці «Азарычы – незагойны боль і памяць», для навучэнцаў установы адукацыі «Гомельскі дзяржаўны каледж кулінарыі».

У рамках мерапрыемства для навучэнцаў быў прадэманстраваны дакументальны фільм «10 дзён пекла» пра лагер «Азарычы» з успамінамі вязняў пра тыя жудасныя дні, з дакументальнымі сведчаннямі гісторыкаў і музейных работнікаў.

Пад кіраўніцтвам архівістаў сектара інфармацыі, публікацыі і выкарыстання дакументаў хлопцы вывучылі архіўныя дакументы, якія сведчаць аб жорсткіх выпрабаваннях, якія выпалі на долю мірных жыхароў беларускага Палесся ў сакавіку 1944 года.

Мерапрыемства завяршылася прэзентацыяй выставы архіўных дакументаў «А заўтра была Перамога…», прысвечанай 80 годдзю Перамогі савецкага народа ў Вялікай Айчыннай вайне і агляднай экскурсіяй па архівасховішчу.

1. Навучэнцы УА «Гомельскі дзяржаўны каледж кулінарыі» падчас мерапрыемства

2. Навучэнцы УА «Гомельскі дзяржаўны каледж кулінарыі» падчас мерапрыемства

3. Навучэнцы УА «Гомельскі дзяржаўны каледж кулінарыі» падчас агляднай экскурсіі

4. Навучэнцы УА «Гомельскі дзяржаўны каледж кулінарыі» падчас прэзентацыі выставы «А заўтра была Перамога…»