Наведванне Нацыянальнага гістарычнага архіва Беларусі работнікамі Валожынскага краязнаўчага музея

18 сакавіка 2025 г. Нацыянальны гістарычны архіў Беларусі наведалі работнікі Валожынскага краязнаўчага музея. Мерапрыемства прымеркавана да 90-годдзя з дня смерці Бенедыкта Генрыха Тышкевіча (1852-1935) – мецэната, калекцыянера, фатографа з міжнародным прызнаннем. Граф быў прадстаўніком валожынскай лініі роду Тышкевічаў.

Госці азнаёміліся з гісторыяй і фондамі архіва, а таксама са спецыфікай яго дзейнасці і асноўнымі напрамкамі работы. Намеснік дырэктара Сяргей Рындзін правёў для гасцей экскурсію па архівасховішчу і паказаў асабліва каштоўныя дакументы, якія захоўваюцца ў архіве.

Загадчык сектара навукова-даследчай, публікацыйнай і выставачнай дзейнасці аддзела выкарыстання дакументаў, інфармацыі і публікацыйнай дзейнасці Аксана Зянько прадэманстравала дакументы па гісторыі графскага роду Тышкевічаў.

Госці праявілі вялікую цікавасць да дакументальнай спадчыны Беларусі і задавалі шматлікія пытанні.

1. Намеснік дырэктара НГА Беларусі Сяргей Рындзін распавядае пра гісторыю і сучасную дзейнасць архіва

2. Госці архіва

3. Дэманстрацыя дакументаў па гісторыі роду Тышкевічаў

4. Экскурсія па архівасховішчу

5. Экскурсія па архівасховішчу

6. Экскурсія па архівасховішчу