У Дзяржаўным архіве Віцебскай вобласці адбылася рабочая сустрэча з прадстаўнікамі Беларускай натарыяльнай палаты з мэтай абмену вопытам па алічбоўцы дакументаў

11 сакавіка 2025 г. Дзяржархіў Віцебскай вобласці наведалі вядучы спецыяліст прававога аддзела Беларускай натарыяльнай палаты Любоў Вярцейка, аддзела інфармацыйных тэхналогій, прадстаўнікі натарыяльнага архіва Мінскай гарадской натарыяльнай акругі, загадчык натарыяльнага архіва Віцебскай натарыяльнай акругі і старшыня ТНП Віцебскай вобласці Таццяна Маскіна у мэтах азнаямлення з работай па аблічбоўванні архіўных дакументаў.

Спецыялісты Дзяржаўнага архіва азнаёмілі ўдзельнікаў мерапрыемства з методыкай падрыхтоўкі дакументаў да сканіравання, правядзеннем аблічбоўкі на планетарным сканары, кантролем якасці сканіравання і ўлікам лічбавых копій. Галоўны захавальнік фондаў Карпекін К.Г. правёў майстар-клас па сканіраванні.

У рамках рабочай сустрэчы для прадстаўнікоў натарыяту была праведзена экскурсія ў сховішча дзяржаўнага архіва.

1. Карпекін Канстанцін праводзіць майстар-клас па сканіраванні ў рамках рабочай сустрэчы з прадстаўнікамі Беларускай натарыяльнай палаты.

2. Дэлегацыя Беларускай натарыяльнай палаты – удзельнікі рабочай сустрэчы па аблічбоўцы дакументаў.