Дакументальная выстава «На варце Айчыны ва ўсе часы»

20 лютага 2025 года ў Міністэрстве юстыцыі Рэспублікі Беларусь адкрылася дакументальная выстава «На варце Айчыны ва ўсе часы». Гэты сумесны праект, падрыхтаваны некалькімі архівамі – Нацыянальным архівам Рэспублікі Беларусь, Нацыянальным гістарычным архівам Беларусі і Беларускім дзяржаўным архівам кінафотафонадакументаў. Ён прымеркаваны да Дня абаронцаў Айчыны.

Дзень абаронцаў Айчыны і Узброеных Сіл Рэспублікі Беларусь – дзяржаўнае свята, якое мае сваю гісторыю.

23 лютага 1918 года атрады Чырвонай Арміі атрымалі свае першыя перамогі пад Псковам і Нарвай над рэгулярнымі войскамі кайзераўскай Германіі. Гэтыя першыя перамогі і сталі днём нараджэння Чырвонай Арміі. У 1922 годзе гэтая дата была афіцыйна абвешчана Днём Чырвонай Арміі. З 1946 года свята стала называцца Днём Савецкай Арміі і Ваенна–Марскога флоту.

Указам Прэзідэнта Рэспублікі Беларусь ад 26 сакавіка 1998 года №157 свята, якое адзначаецца 23 лютага, атрымала назву Дзень абаронцаў Айчыны і Узброеных Сіл Рэспублікі Беларусь.

У выставачным праекце, прымеркаваным да Дня Абаронцаў Айчыны і Узброеных Сіл Рэспублікі Беларусь, Нацыянальны архіў Рэспублiкi Беларусь прадставіў дакументы: баявыя лісткі партызанскіх атрадаў і брыгад, сцянныя газеты і плакаты партыйных, камсамольскіх і антыфашысцкіх арганізацый, створаныя ў гады Вялікай Айчыннай вайны; малюнкі мастакоў-партызан. Экспанаты, прадстаўленыя на выставе, унікальныя.

На выставе таксама прадстаўлены выданні газетнай калекцыі Нацыянальнага архіва Рэспублiкi Беларусь: «Звязда» ад 23 лютага 1919 г., «Чырвоная звязда» ад 23 лютага 1941 г., «Раздавім фашысцкую гадзіну» ад 23 лютага 1943-44 гг., і дакументы вядомых палітычных дзеячаў В.I.Казлова i В.I.Лівенцава з архіўных фондаў асабістага паходжання.

1. Намеснік дырэктара Нацыянальнага гістарычнага архіва Беларусі С.М.Рындзін і загадчык аддзела Нацыянальнага архіва Рэспублікі Беларусь М.А.Старасценка

2. Намеснік дырэктара Нацыянальнага гістарычнага архіва Беларусі С.М.Рындзін і загадчык аддзела Нацыянальнага архіва Рэспублікі Беларусь М.А.Старасценка

3. Дакументы Нацыянальнага архіва Рэспублікі Беларусь на выставе да Дня Абаронцаў Айчыны

4. Архіўныя дакументы на выставе

5. Архіўныя дакументы на выставе