Аб правядзенні ва ўстанове «Дзяржаўны архіў Гомельскай вобласці» мерапрыемстваў у рамках акцыі «Архівы – школе»

12 лютага 2025 года ў чытальнай зале архіва, у рамках рэспубліканскага праекта «Архівы – школе», адбыўся кіналекторый для навучэнцаў 8 класа ДУА «Сярэдняя школа №47 г.Гомеля». Навучэнцам быў прадстаўлены дакументальны фільм «Вызваленне» Беларускага дзяржаўнага архіва кінафотафонадакументаў аб вызваленні Беларусі ад нямецка-фашысцкіх захопнікаў. Таксама для навучэнцаў быў праведзены ўрок на тэму «Генацыд беларускага народа». Старшы навуковы супрацоўнік чытальнай залы архіва Мая Вашчанка паказала навучэнцам фільтрацыйныя справы грамадзян Беларусі гвалтоўна сагнаных у Германію і распавяла аб дакументах, прадстаўленых на выставе «Юнацтва, праведзенае ў рабстве. Лісты на радзіму», прысвечаную рабскай працы моладзі ў няволі.

На заканчэнне мерапрыемства для хлопчыкаў і дзяўчынак была арганізавана экскурсія па архівасховішчы. Вядучы архівіст Марына Бартноўская расказала пра асаблівасці захоўвання і рамонт архіўных дакументаў і адказала на пытанні навучэнцаў аб прафесіі архівіст.

1. Вядучы архівіст М.Бартноўская праводзіць экскурсію па архівасховішчы

2. Старшы навуковы супрацоўнік М.Вашчанка праводзіць урок «Генацыд беларускага народа»

3. Навучэнцы разглядаюць фільтрацыйныя справы, сагнаных савецкіх грамадзян у Германію

4. Удзельнікі мерапрыемства