14 лютага 2025 года, напярэдадні Дня памяці воінаў-інтэрнацыяналістаў, у Дзяржархіве Віцебскай вобласці адбылася сустрэча з ветэранам баявых дзеянняў у Афганістане гвардыі старшым прапаршчыкам запасу Вячаславам Канстанцінавічам Белавусам

Апублікавана: 17 лютага 2025 г.

15 лютага 1989 года – дзень вываду савецкіх войскаў з Афганістана. Гэта не толькі свята, але яшчэ і дзень смутку, памятная дата, якая нікога ў Беларусі не пакіне абыякавым.

У горадзе Віцебску жыве цудоўны чалавек, ветэран баявых дзеянняў у Афганістане гвардыі старшы прапаршчык запасу Вячаслаў Канстанцінавіч Белавус.

У пачатку 1986-га камсорг Белавус добраахвотнікам адправіўся ў Аўганістан, дзе служыў сакратаром арганізацыі УЛКСМ 1-га парашутна-дэсантнага батальёна 350-га ГПДП 103-й Віцебскай ГВДД. 50 баявых аперацый, у тым ліку 40 дэсантаванняў з верталёта, атрымаў дзве баявыя траўмы.

Мае ўзнагароды: ордэн Чырвонай Зоркі, ордэн «За службу Радзіме ва Узброеных Сілах СССР» III ступені, медаль «За адвагу», медаль «За баявыя заслугі», спецыяльны знак Міністра Абароны СССР «За размініраванне» і знак ЦК УЛКСМ «Воінская доблесць». Стаяў ля вытокаў стварэння знакамітага ансамбля «Блакітныя берэты».

Пасля вайны Белавус працаваў у Рубаўскай СШ (г.Віцебска), вёў секцыю скаўтаў і быў кіраўніком пошукавага клуба. Цяпер Вячаслаў Канстанцінавіч працуе ў Віцебскім політэхнічным каледжы і выкладае дапрызыўную падрыхтоўку ў музычнай вучэльні ім. Салярцінскага. А яшчэ ён з’яўляецца салістам народнага ансамбля народнай песні «Світанак» і акцёрам народнага тэатра «Кураж».

Вячаслаў Канстанцінавіч захоўвае ўнікальны асабісты фотаархіў баявых дзеянняў у Афганістане. Некаторыя з гэтых фатаграфій убачылі і супрацоўнікі Дзяржархіва. А таксама архівісты пачулі дзіўнае апавяданне пра воінскае братэрства савецкіх воінаў, даведаліся шмат новага пра гісторыю афганскай вайны.

Паўтарагадзінная сустрэча прайшла на «адным дыханні»!

Мы жадаем доўгіх гадоў Вячаславу Канстанцінавічу Белавусу і шмат новых творчых сустрэч.

1. Банэр да сустрэчы супрацоўнікаў Дзяржархіва Віцебскай вобласці з ветэранам баявых дзеянняў у Афганістане гвардыі старшым прапаршчыкам запасу Вячаславам Канстанцінавічам Белавусам.

2-4. Падчас сустрэчы.

5. Дырэктар Дзяржархіва Віцебскай вобласці Кароль Аляксандр Мікалаевіч і загадчык аддзела выкарыстання дакументаў Каханка Уладзімір Пятровіч уручаюць ветэрану баявых дзеянняў у Афганістане гвардыі старшаму прапаршчыку запасу Вячаславу Канстанцінавічу Белавусу кнігі, выданныя Дзяржархівам і паслясвечаныя гісторыі Віцебшчыны.