Аб удзеле ўстановы «Дзяржаўны архіў Магілёўскай вобласці» у рэспубліканскім фестывалі-конкурсе патрыятычнай песні «Сэрцам датычныя»

23-24 лістапада 2024 года ў горадзе Орша Віцебскай вобласці на базе дзяржаўнай установы культуры «Гарадскі палац культуры «Орша» прайшоў фінальны этап рэспубліканскага фестывалю-конкурсу патрыятычнай песні «Сэрцам датычны», прысвечаны 80-годдзю вызвалення Беларусі ад нямецка-фашысцкіх захопнікаў.

Конкурс праводзіўся з ініцыятывы Міністэрства культуры Рэспублікі Беларусь, Віцебскага абласнога і Аршанскага раённага выканаўчага камітэта.

У конкурсе прыняў удзел рабочы па комплексным абслугоўванні будынкаў і збудаванняў установы «Дзяржаўны архіў Магілёўскай вобласці» Леанід Савіцкі.

Па выніках конкурснага выступлення ён быў узнагароджаны дыпломам лаўрэата конкурсу III ступені ў намінацыі «Вакал-сола (эстрадны)» у катэгорыі «Аматары».

На фота: Дыплома лаўрэата рэспубліканскага фестывалю-конкурсу патрыятычнай песні «Сэрцам датычныя» Леаніда Савіцкага