Аб удзеле дырэктара Нацыянальнага архіва Рэспублікі Беларусь у Міжнародным круглым стале ў Акадэміі кіравання пры Прэзідэнце Рэспублікі Беларусь

19 лістапада 2024 года ў Акадэміі кіравання пры Прэзідэнце Рэспублікі Беларусь адбыўся Міжнародны круглы стол «Гістарычная памяць: каштоўнасныя арыенціры кансалідацыі грамадства Беларусі і Расіі».

З прывітальным словам да ўдзельнікаў форуму звярнуліся: прарэктар Акадэміі, к.г. н., дацэнт У.Г.Швайко; старшыня Федэральнай нацыянальна-культурнай аўтаноміі Беларусаў Расіі, акадэмік Расійскай акадэміі адукацыі, доктар псіхалагічных навук, прафесар С.Л.Кандыбовіч; саветнік пасольства Расійскай Федэрацыі ў Рэспубліцы Беларусь К.Г.Багіева. Удзел у форуме прыняў Надзвычайны і Паўнамоцны Пасол Турэцкай Рэспублікі ў Рэспубліцы Беларусь Гючлю Джэм Ышык.

З дакладамі выступілі: дэпутат Палаты прадстаўнікоў Нацыянальнага сходу Рэспублікі Беларусь VIII склікання, д.г.н, дацэнт В.В.Даніловіч; дэпутат Палаты прадстаўнікоў Нацыянальнага сходу Рэспублікі Беларусь VII склікання Л.С.Ананіч; намеснік дэкана, вучоны сакратар, кіраўнік лабараторыі гісторыі дыяспар і міграцый гістарычнага факультэта Маскоўскага дзяржаўнага ўніверсітэта імя М.В.Ламаносава, к.г.н., дацэнт А.В.Солапава і іншыя.

Дырэктар Нацыянальнага архіва Рэспублікі Беларусь (далей – НАРБ) А.К.Дземянюк выступіў з дакладам і прэзентацыяй на тэму «Захаванне гістарычнай памяці аб падзеях Вялікай Айчыннай вайны ў беларуска-расійскіх выдавецкіх праектах». Спікер распавёў пра вялікую працу, якую праводзіць НАРБ па пытанні захавання гістарычнай памяці з дапамогай выдавецкіх і выставачных праектаў.

Дырэктар НАРБ падрабязна разгледзеў найбольш важныя сумесныя беларуска-расійскія выдавецкія праекты: «Без тэрміну даўнасці Беларусь», «Аперацыя «Баграціён»: партызаны беларускай зямлі…» і іншыя, а таксама расказаў аб рэалізацыі новых праектаў з расійскімі архівістамі, запланаванымі на 2025 год – да 80-годдзя Перамогі савецкага народа ў Вялікай Айчыннай вайне.

Дзямянюк А.К. уручыў выданні НАРБ дацэнту кафедры сацыяльна-гуманітарных і гісторыка-прававых дысцыплін Інстытута кіраўнічых кадраў Акадэміі кіравання пры Прэзідэнце Рэспублікі Беларусь, к.г.н., дацэнту М.М.Атрушкевічу.

Для ўдзельнікаў форуму была прадстаўлена выстава выданняў НАРБ, якую прадставіла в.а. загадчыка аддзела публікацый архіва У.А.Калабаева.

Participants of the International Round table «Historical memory: value orientations of consolidation of the society of Belarus and Russia»

Presentation of publications of the National Archive of the Republic of Belarus

Forum participants get acquainted with the exhibition of publications in the Republic of Belarus

Kolobaeva U.A. presents publications IN the Republic of Belarus