Дэлегацыя Інстытута гісторыі ім. Ш. Марджані Акадэміі Навук Рэспублікі Татарстан наведала Нацыянальны архіў Рэспублікі Беларусь

5 лістапада 2024 года ў Нацыянальны архіў Рэспублікі Беларусь (далей – НАРБ) прыбыла з візітам дэлегацыя Інстытута гісторыі ім. Ш.Марджані Акадэміі Навук Рэспублікі Татарстан у складзе: намеснік дырэктара па навуковай рабоце, к.п.н. М.М.Гібатдзінаў; вучоны сакратар, к.г.н. А.С.Бушуеў; кіраўнік Цэнтра даследаванняў Залатой Арды і татарскіх ханстваў, к.г.н. І М.Міргалееў; загадчык аддзела найноўшай гісторыі, к.г.н. І.І.Ханіпава.

З беларускага боку ў сустрэчы ўдзельнічалі: дырэктар НАРБ А.К.Дземянюк; намеснік дырэктара НАРБ, к.г.н. С.В.Кулінок; загадчык аддзела выкарыстання дакументаў і інфармацыі М.А.Старасценка; загадчык аддзела фондаў асабістага паходжання I.У.Дарагуш; в.а. загадчыка аддзела публікацый У.А.Калабаева і намеснік загадчыка аддзела інфармацыйна-пошукавых сістэм У.Ю.Монзуль.

Дырэктар НАРБ павітаў дэлегацыю навукоўцаў з Казані і распавёў аб цесных кантактах архівістаў Беларусі і Рэспублікі Татарстан. Намеснік дырэктара НАРБ С.В.Кулінок распавёў аб асноўных напрамках работы НАРБ і пазнаёміў навукоўцаў з дакументальнымі выданнямі архіва і банэрнай выставай «Рэспубліка-партызанка».

Навукоўцам з Казані былі паказаны арыгіналы дакументаў аб беларуска-татарскім узаемадзеянні, а таксама найбольш цікавыя дакументы па гісторыі партызанскага руху ў Беларусі.

У ходзе візіту былі абмеркаваны канкрэтныя праекты па навуковым узаемадзеянні паміж НАРБ і Інстытутам гісторыі ім.Ш.Марджані Акадэміі Навук Рэспублікі Татарстан.

1. Падчас сустрэчы

2. Удзельнікі дэлегацыі Інстытута гісторыі ім. Ш.Марджані Акадэміі Навук Рэспублікі Татарстан

3. Уручэнне выдання НА РБ дэлегацыі Інстытута гісторыі ім. Ш.Марджані Акадэміі Навук Рэспублікі Татарстан

4. Уручэнне выдання к.г.н. А.С.Бушуева «На Сувалкскім рубяжы. Кніга Памяці чырвонаармейцаў, загінуўшых ў 1944-1945 гг. і пахаваных ў Сувалках (Польшча)» дырэктару НАРБ А.К.Дземянюку

5. Калектыўнае фота ўдзельнікаў сустрэчы