Аб удзеле супрацоўнікаў Нацыянальнага архіва Рэспублікі Беларусь у рэспубліканскім форуме «Памяць пакаленняў у імя будучыні»

5 лістапада 2024 года ў Нацыянальнай бібліятэцы Рэспублікі Беларусь адбыўся рэспубліканскі форум «Памяць пакаленняў у імя будучыні». З прывітальнымі словамі да ўдзельнікаў мерапрыемства звярнуліся: намеснік Міністра адукацыі Рэспублікі Беларусь К.А.Пятруцкая; намеснік старшыні Пастаяннай камісіі па адукацыі, культуры і навуцы Палаты прадстаўнікоў Нацыянальнага сходу Рэспублікі Беларусь, д.г.н., дацэнт В.В.Даніловіч; Генеральны дырэктар Нацыянальнай бібліятэкі Беларусі, к.і.н., дацэнт В.Ф.Гігін; памочнік міністра абароны па ідэалагічнай рабоце ва Узброеных Сілах – начальнік галоўнага ўпраўлення ідэалагічнай работы Міністэрства абароны Рэспублікі Беларусь генерал-маёр Л.В.Касінскі; начальнік упраўлення па наглядзе за расследаваннем асабліва важных крымінальных спраў Генеральнай пракуратуры Рэспублікі Беларусь В.В.Талкачоў; дырэктар Інстытута гісторыі Нацыянальнай акадэміі навук Беларусі, к.г.н., дацэнт В.Л.Лакіза.

Дырэктар Нацыянальнага архіва Рэспублікі Беларусь (далей – НАРБ) А.К.Дземянюк у прывітальным слове расказаў аб вялікай працы, якую праводзіць архіў па захаванні гістарычнай Памяці і яе трансляцыі маладому пакаленню беларусаў. У межах агульнарэспубліканскай акцыі «Архівы – школе» на сістэмнай аснове праводзяцца экскурсіі для навучэнцаў, чытаюцца лекцыі, арганізуюцца выступленні архівістаў ва ўстановах адукацыі. Дырэктар НАРБ таксама распавёў пра вялікую працу архіва ў выдавецкай і выставачнай сферы.

Для ўдзельнікаў форуму была прадстаўлена банэрная выстава па гісторыі архіўнай службы Беларусі і выстава кніжных выданняў НАРБ, з якой наведвальнікаў азнаёміла в.а.загадчыка аддзела публікацый У.А.Калабаева.

За рэалізацыю мерапрыемстваў, накіраваных на прыцягненне дзяцей і моладзі да працы па захаванні гістарычнай памяці аб Вялікай Айчыннай вайне, значныя дасягненні ў пошукавай рабоце з дзецьмі і моладдзю калектыў НАРБ быў узнагароджаны граматай Міністэрства адукацыі Рэспублікі Беларусь.

1. Дырэктар НАРБ А.К.Дземянюк прадстаўляе выданні архіва

2. У.А.Калабаева прадстаўляе кніжную выставу ўдзельнікам форуму

3. У.А.Калабаева прадстаўляе кніжную выставу юным удзельнікам форуму

4. Выступленне дырэктара НАРБ А.К.Дземянюка

5. Уручэнне граматы Міністэрства адукацыі Рэспублікі Беларусь дырэктару НАРБ А.К.Дземянюку