Ваенна-патрыятычны клуб «Патрыёт» і установа «Занальны дзяржаўны архіў у г. Бабруйску» заключылі Пагадненне аб узаемным супрацоўніцтве і ўзаемадзеянні

Цырымонія падпісання Пагаднення аб узаемным супрацоўніцтве і ўзаемадзеянні паміж Ваенна-патрыятычным клубам «Патрыёт» і ўстановай «Занальны дзяржаўны архіў у г. Бабруйску» адбылася 5 лістапада 2024 года. Дырэктар архіва Алена Заяц і кіраўнік ВПК «Патрыёт» Таццяна Косінава будуць развіваць супрацоўніцтва ў галіне арганізацыі навукова-даследчай дзейнасці і метадычнай рабоце ў галіне архівазнаўства і дакументазнаўства з членамі клуба і спецыялістамі архіва.

У далейшым плануецца арганізацыя і правядзенне сумесных навукова-практычных канферэнцый, круглых сталоў, семінараў і іншых інтэлектуальных мерапрыемстваў з чальцамі клуба.

Пагадненне дзейнічае на прынцыпах узаемнасці, павагі дзелавой рэпутацыі, імкнення да павышэння навуковага патэнцыялу навучэнскай моладзі.

Пасля падпісання пагаднення для юных патрыётаў была арганізавана экскурсія.

1. Дырэктар архіва Алена Заяц і кіраўнік ВПК «Патрыёт» Таццяна Косінава падпісваюць пагадненне (аўтар фатаграфіі Віктар Чабан)

2. Дырэктар архіва Алена Заяц, кіраўнік ВПК «Патрыёт» Таццяна Косінава і члены клуба (аўтар фатаграфіі Віктар Чабан)

3. Дырэктар архіва Алена Заяц знаёміць з выставачнымі дакументамі (аўтар фатаграфіі Віктар Чабан)

4. Дырэктар архіва Алена Заяц знаёміць з архівасховішчам (аўтар фатаграфіі Віктар Чабан)