Урачыстае мерапрыемства, прысвечанае 80-годдзю Дзяржаўнага архіва Гродзенскай вобласці

18 кастрычніка 2024 года ў Дзяржаўным архіве Гродзенскай вобласці адбылося ўрачыстае мерапрыемства, прысвечанае 80-годдзю архіва. На сходзе прысутнічалі супрацоўнікі архіва і заслужаныя работнікі архіўнай галіны.

З юбілейнай датай калектыў архіва павіншавалі намеснік начальніка Галоўнага ўпраўлення юстыцыі Гродзенскага абласнога выканаўчага камітэта В.Т.Рудая, начальнік аддзела па архівах, загсах і іншых прававых пытаннях галоўнага ўпраўлення юстыцыі Гродзенскага абласнога выканаўчага камітэта А.Ю.Забалотная, дырэктар архіва С.І.Міклашэвіч.

Віншаванні ў адрас архіва прагучалі і ад дырэктараў архіваў Гродзенскай вобласці С.Г.Свірко, А.С.Забелінскай, Л.М.Горбач.

У сувязі са знамянальнай датай шэрагу спецыялістаў архіўнай установы былі ўрачыста ўручаны граматы і падзячныя лісты. Асобныя словы падзякі і памятныя падарункі атрымалі ветэраны архіўнай галіны. Тых, хто не змог прысутнічаць на мерапрыемстве, супрацоўнікі архіва наведалі ў індывідуальным парадку.

У ходзе мерапрыемства калектыву і гасцям архіва была прадстаўлена Кніга Пашаны, заснаваная з мэтай захавання памяці аб архівістах, якія ўнеслі значны ўклад у развіццё архіўнай галіны, а таксама альбом «Архівісты – удзельнікі Вялікай Айчыннай вайны».

1. Выступленне намесніка начальніка галоўнага ўпраўлення юстыцыі Гродзенскага абласнога выканаўчага камітэта В.Т.Рудай

2. Калектыў і ветэраны архіва падчас урачыстага сходу

3. Выступленне былога дырэктара Дзяржаўнага архіва Гродзенскай вобласці С.А.Кандрашовай

4. Узнагароджанне Граматай Гродзенскага абласнога Савета дэпутатаў загадчыка аддзела інфармацыйна-пошукавых сістэм Т.В.Левінай

5. Альбом «Архівісты –удзельнікі Вялікай Айчыннай вайны»

6. Віншаванне ветэрана архіўнай службы Н.В.Караськ на даму