Аб удзеле установы «Дзяржаўны архіў Гомельскай вобласці» ў патрыятычным мерапрыемстве

11 кастрычніка 2024 года ў ДК «Беліцкі» прайшло патрыятычнае мерапрыемства «Ганарымся нашымі землякамі», прымеркаванае да 81-й гадавіны вызвалення Навабеліцы ад нямецка-фашысцкіх захопнікаў. У рамках мерапрыемства член партыі «Белая Русь» дырэктар Дзяржаўнага архіва Гомельскай вобласці Андрэй Мікалаевіч Сушчэвіч азнаёміў удзельнікаў з гістарычнымі дакументамі гэтага перыяду.

У мерапрыемстве таксама прыняў удзел старшыня раённай арганізацыі «Беларускі саюз афіцэраў», сябра партыі «Белая Русь» Юры Лебедзеў. У сваім выступленні ён асабліва адзначыў захаванне міру ў няпростых сучасных рэаліях часу і нагадаў аб важнасці Перамогі, якую ў далёкія гады здабывалі нашы землякі.

Творчыя нумары танцавальных калектываў, аўтарскае выкананне песень на ваенную тэматыку і чытанне вершаў стварыла атмасферу глыбокай павагі і пакланення подзвігу Герояў.

Дырэктар Дзяржаўнага архіва Гомельскай вобласці А.М.Сушчэвіч і старшыня раённай арганізацыі «Беларускі саюз афіцэраў» Ю.Лебедзеў

Удзельнікі патрыятычнага мерапрыемства «Ганарымся нашымі землякамі»