Круглы стол у Магілёўскай цэнтральнай гарадской бібліятэцы ім. К.Маркса

У Магілёўскай цэнтральнай гарадской бібліятэцы ім. К.Маркса 10 ліпеня 2024 года прайшоў круглы стол «Беларусь: Вызваленне, Памяць, Незалежнасць», прысвечаны 80-годдзю вызвалення Рэспублікі Беларусь ад нямецка-фашысцкіх захопнікаў і Перамозе савецкага народа ў Вялікай Айчыннай вайне.

У рамках круглага стала ў ролі асноўных спікераў з дакладамі выступілі намеснік дырэктара па асноўнай дзейнасці ўстановы культуры «Магілёўскі абласны краязнаўчы музей імя Е.Р.Раманава» Аляксандра Буракова і вядучы архівіст аддзела навуковага выкарыстання дакументаў і інфармацыі ўстановы «Дзяржаўны архіў Магілёўскай вобласці» Аляксандр Петухоў, якія расказалі маладым спецыялістам устаноў і арганізацый г.Магілёва пра жыццё гараджан у гады Вялікай Айчыннай вайны.

Арганізатары са свайго боку азнаёмілі ўдзельнікаў круглага стала з інфармацыйнымі рэсурсамі, тэматычнымі базамі, выставамі на стэндах і вітрынах, якія былі падрыхтаваны работнікамі бібліятэкі па дадзенай тэматыцы.

1. Вядучы архівіст аддзела навуковага выкарыстання дакументаў і інфармацыі ўстановы «Дзяржаўны архіў Магілёўскай вобласці» Аляксандр Петухоў выступае перад маладымі спецыялістамі г.Магілёва

2. Удзельнікі круглага стала «Беларусь: Вызваленне, Памяць, Незалежнасць» слухаюць выступленне асноўных дакладчыкаў