Ва ўстанове «Дзяржаўны архіў Гомельскай вобласці» адбыўся круглы стол «Генацыд беларускага народа ў гады Вялікай Айчыннай вайны (1941-1945 гг.)»

5 ліпеня 2024 г. у чытальнай зале ўстановы «Дзяржаўны архіў Гомельскай вобласці» (далей – ДАГв) адбыўся круглы стол «Генацыд беларускага народа ў гады Вялікай Айчыннай вайны (1941-1945 гг.)».

У рабоце круглага стала прынялі ўдзел: дэпутат Палаты прадстаўнікоў Нацыянальнага сходу Рэспублікі Беларусь 8-га склікання ад Гомельскай-Навабеліцкай выбарчай акругі № 36, намеснік старшыні Пастаяннай камісіі па жыллёвай палітыцы і будаўніцтве Сяргей Адамовіч Казачок, дырэктар установы «Дзяржаўны архіў Гомельскай вобласці» Андрэй Мікалаевіч Сушчэвіч, старшыня Навабеліцкага РГА РГА «Белая Русь» Любоў Аляксандраўна Ткач, а таксама актыў буйных прадпрыемстваў Навабеліцкага раёна г.Гомеля.

Адкрыў мерапрыемства дырэктар ДАГв Андрэй Мікалаевіч Сушчэвіч. У сваім уступным слове ён прадставіў удзельнікам круглага стала выставу «Гомельшчына непакораная». Выставачны праект «Гомельшчына непакораная» з’яўляецца важкім укладам у вялікую працу, якая праводзіцца архіўнымі ўстановамі па захаванні гістарычнай памяці аб падзеях і ўдзельніках Вялікай Айчыннай вайны (1941-1945 гг.).

Акрамя таго, дырэктар ДАГв распавёў, што з сябе прадстаўляе архіў, якія ўнікальныя дакументы захоўваюцца ў дзяржаўнай установе, а таксама аб той вялікай ідэалагічнай працы, якая праводзіцца ДАГв сярод моладзі і працоўных калектываў г.Гомеля.

Так, дырэктар ДАГв адзначыў, што абласным архівам за першае паўгоддзе бягучага года, было прадстаўлена грамадскасці 6 дакументальных выставак аб генацыдзе і гераізме беларускага народа ў гады Вялікай Айчыннай вайны (1941-1945 гг.).

Таксама дырэктар архіва Андрэй Мікалаевіч Сушчэвіч расказаў аб праекце «Адкрыты кінаархіў. Гэты дзень мы набліжалі як маглі», прысвечаны 80-й гадавіне вызвалення Рэспублікі Беларусь ад нямецка-фашысцкіх захопнікаў. Для ўдзельнікаў круглага стала быў паказаны дакументальны фільм «Вызваленне».

У адкрытым дыялогу, эксперты выказалі сваё кампетэнтнае меркаванне па вышэйпаказанай тэме, абмяняліся вопытам работы з моладдзю, а таксама падтрымалі прапанову дырэктара ДАГв аб арганізацыі і правядзенні сумесных праектаў.

У канцы мерапрыемства ўдзельнікі круглага стала падзякавалі адзін аднаму за канструктыўны і цікавы дыялог.

Удзельнікі круглага стала «Генацыд беларускага народа ў гады Вялікай Айчыннай вайны (1941-1945 гг.)»

Дырэктар ДАГв А.М.Сушчэвіч падчас выступу

Падчас круглага стала «Генацыд беларускага народа ў гады Вялікай Айчыннай вайны (1941-1945 гг.)»