Аб правядзенні экскурсіі для ўдзельнікаў рэспубліканскага злёту пошукавых атрадаў «Мы – спадчыннікі Перамогі» ў ДУ «Нацыянальны архіў Рэспублікі Беларусь»

20 чэрвеня 2024 года ДУ «Нацыянальны архіў Рэспублікі Беларусь» наведалі ўдзельнікі рэспубліканскага злёту пошукавых атрадаў «Мы – спадчыннікі Перамогі». Імі з’яўляюцца актыўныя навучэнцы ўстаноў адукацыі Рэспублікі Беларусь, якія займаюцца пошукавай і даследчай работай.

Для дзвюх груп удзельнікаў рэспубліканскага збору былі арганізаваны аглядныя экскурсіі па архіве. Загадчык аддзела інфармацыйна-пошукавых сістэм В.Ю.Юркевіч расказала аб гісторыі архіва і асноўных напрамках яго дзейнасці, аб складзе і асаблівасцях захоўвання дакументаў, а таксама аб магчымасці выкарыстання архіўных дакументаў у напісанні даследчых работ для развіцця пошукавага руху ў Рэспубліцы Беларусь.

Госці архіва наведалі архівасховішча фондаў партызанскіх фарміраванняў, дзе азнаёміліся з умовамі захоўвання дакументаў, а таксама з дакументальнымі крыніцамі па гісторыі партызанскага руху, аб злачынствах нямецкіх акупацыйных уладаў супраць грамадзянскага насельніцтва і вывазе мірных жыхароў БССР на прымусовыя работы ў Германію.

Таксама ўвазе ўдзельнікаў рэспубліканскага злёту былі прадстаўлены падрыхтаваныя архівам фотадакументальныя выстаўкі «Пад знакам якасці» і «Свет пачынаецца з дзяцінства».

Аглядная экскурсія, арганізаваная Нацыянальным архівам Рэспублікі Беларусь для актывістаў пошукавага руху, была накіравана на развіццё іх зацікаўленасці ў дзейнасці па захаванні гістарычнай памяці аб гераічным мінулым беларускага народа.

1-2. Удзельнікі рэспубліканскага злёту пошукавых атрадаў «Мы – спадчыннікі Перамогі» ў архіве.

3. Загадчык аддзела інфармацыйна-пошукавых сістэм В.Ю.Юркевіч расказвае пра гісторыю архіва.

4. Знаёмства ўдзельнікаў рэспубліканскага злёту пошукавых атрадаў з фотадакументальнай выставай «Пад знакам якасці».

5. Знаёмства ўдзельнікаў рэспубліканскага злёту з фотадакументальнай выставай «Свет пачынаецца з дзяцінства».

6-8. У час наведвання ўдзельнікамі рэспубліканскага злёту архівасховішча фондаў партызанскіх фарміраванняў.