Правядзенне экскурсіі ва ўстанове «Дзяржаўны архіў грамадскіх аб’яднанняў Магілёўскай вобласці»

У рамках рэспубліканскай акцыі «Архівы-школе» 13 чэрвеня 2024 г. установу «Дзяржаўны архіў грамадскіх аб’яднанняў Магілёўскай вобласці» наведалі навучэнцы 8 класа сярэдняй школы №31 г.Магілёва, якія знаходзяцца ў летнім аздараўленчым школьным лагеры.

У ходзе экскурсіі вядучы архівіст Брузгіна Святлана і загадчык аддзела забеспячэння захаванасці дакументаў і фондаў Барцулёва Святлана пазнаёмілі навучэнцаў з гісторыяй стварэння архіва, асноўнымі напрамкамі яго дзейнасці. Расказалі аб фондах архіва і спецыфіцы работы з імі, аб умовах захоўвання дакументаў, абсталяванні архівасховішчаў. Акцэнтавалі ўвагу дзяцей на тым, што галоўная задача архівістаў – захаваць дакументальную спадчыну, даць магчымасць людзям знаёміцца з архіўнымі дакументамі. Таксама юнакі азнаёміліся з прадстаўленымі выставамі: Абарона горада Магілёва, Партызанскі рух, 80-годдзе вызвалення горада Магілёва, Генацыд беларускага народа ў гады Вялікай Айчыннай вайны.

У завяршэнні экскурсіі госці азнаёміліся з музейнай экспазіцыяй па гісторыі партыйнага архіва.

1. Супрацоўнікі архіва Барцулёва Святлана і Брузгіна Святлана знаёмяць навучэнцаў з дакументамі архіва.

2. Навучэнцы сярэдняй школы №31 г.Магілёва ў музейным пакоі.