Аб правядзенні кіналекторыя ў г. Брэсце

6 чэрвеня ў канферэнц-зале Музея абароны Брэсцкай крэпасці Мемарыяльнага комплексу «Брэсцкая крэпасць-герой» адбыўся кіналекторый, у рамках якога быў прадэманстраваны кароткаметражны дакументальны фільм «Да 80-й гадавіны вызвалення горада Брэста ад нямецка-фашысцкіх захопнікаў», падрыхтаваны Беларускім дзяржаўным архівам кінафотафонадакументаў у рамках праекту «Адкрыты кінаархіў. Гэты дзень мы набліжалі як маглі».

Сярод удзельнікаў – члены атрада Паста Памяці, якія нясуць гарадскую Вахту Памяці ля Вечнага агню ў Брэсцкай крэпасці (вучні СШ № 12 г. Брэста), навучэнцы Брэсцкага гандлёва-тэхналагічнага каледжа, вучні СШ № 30, № 9 г. Брэста.

З прывітальным словам да прысутных звярнуўся дырэктар Мемарыяльнага комплексу «Брэсцкая крэпасць-герой» Каркатадзе Аляксандр Аляксандравіч.

Перад паказам з лекцыяй аб вызваленні г. Брэста выступіў дацэнт кафедры гісторыі Беларусі і паліталогіі Брэсцкага дзяржаўнага ўніверсітэта імя А.С.Пушкіна, кандыдат гістарычных навук Рамановіч Павел Сцяпанавіч.

Дырэктар Дзяржаўнага архіва Брэсцкай вобласці Карапузава Ганна Генадзьеўна расказала аб праекце «Адкрыты кінаархіў».

У рамках кіналекторыя ўдзельнікам была прадстаўлена падрыхтаваная дзяржархівам Брэсцкай вобласці банэрная выстаўка архіўных дакументаў «Была вайна… Была перамога!».

1. Удзельнікі кіналекторыя

2. З прывітальным словам выступае дырэктар Мемарыяльнага комплексу «Брэсцкая крэпасць-герой» А.А.Каркатадзэ

3. Падчас лекцыі дацэнта кафедры гісторыі Беларусі і паліталогіі Брэсцкага дзяржаўнага ўніверсітэта імя А.С.Пушкіна, к. г. н. П.С.Рамановіча

4. Выступае дырэктар Дзяржаўнага архіва Брэсцкай вобласці Г.Г.Карапузава

5. Падчас прагляду фільма

6. Удзельнікі мерапрыемства знаёмяцца з выстаўкай дакументаў