Аб удзеле Беларускага дзяржаўнага архіва навукова-тэхнічнай дакументацыі ў V Усерасійскай навуковай канферэнцыі «Вялікая Айчынная вайна ў гісторыі і памяці народаў Поўдня Расіі: падзеі, удзельнікі, сімвалы»
30–31 мая 2024 г. архівіст I катэгорыі аддзела інфармацыі і выкарыстання дакументаў Беларускага дзяржаўнага архіва навукова-тэхнічнай дакументацыі Кацярына Васільеўна Шкут прыняла ўдзел у V Усерасійскай навуковай канферэнцыі з міжнародным удзелам «Вялікая Айчынная вайна ў гісторыі і памяці народаў Поўдня Расіі: падзеі, удзельнікі , сімвалы», якая адбылася ў горадзе Растове-на-Доне (Расія).
Артыкул Кацярыны Васільеўны «Успаміны Леаніда Аляксандравіча Барысаглебскага аб удзеле ў Навагрудскай падпольнай арганізацыі», падрыхтаваны ў суаўтарстве з к.г.н., дацэнтам кафедры «Гісторыя» БНТУ Людмілай Іванаўнай Масяйчук, быў апублікаваны ў зборніку канферэнцыі.
Арганізатарамі мерапрыемства выступілі Федэральны даследчы цэнтр Паўднёвы навуковы цэнтр Расійскай акадэміі навук і Паўднёвы федэральны ўніверсітэт пры падтрымцы Расійскага гістарычнага таварыства, гуманітарнага фонду «Каўказ – новыя гарызонты», фонду рэгіянальных даследаванняў «Краіна», Растоўскай рэгіянальнай пошукавай грамадскай арганізацыі «Міус-Фронт» і аўтаномнай некамерцыйнай арганізацыі «Цэнтр медыястратэгій».
Вынікі сваіх даследаванняў прадставілі больш за 100 вучоных, выкладчыкаў, музейных і архіўных супрацоўнікаў, грамаднікаў, а таксама студэнтаў з Расіі, Сербіі, Абхазіі, Беларусі, Таджыкістана і Узбекістана. Навуковая сустрэча праходзіла ў рамках пленарнага, пяці секцыйных пасяджэнняў і трох круглых сталоў. Праца мерапрыемства завяршылася прэзентацыяй новых выданняў, прысвечаных Вялікай Айчыннай вайне.
З артыкулам К.В. Шкут і Л.І. Масяйчук і працамі іншых удзельнікаў канферэнцыі можна азнаёміцца на сайце арганізатараў: «Великая Отечественная война в истории и памяти народов Юга России: события, участники, символы».
На фота: Постэр канферэнцыі
